Bota
Paris/ Dritat në zyra dhe dyqane do të fiken
Parisi njoftoi të martën se të gjitha dritat në zyra dhe dyqane do të fiken në fund të ditës së punës. Vendimi do të hyjë në fuqi menjëherë.
Sipas njoftimit, bizneset që nuk respektojnë do të gjobiten nga 750 deri në 1,500 euro (740 dhe 1,841 dollarë), sipas France Bleu, një rrjet francez i stacioneve radio lokale dhe rajonale.
Njoftimi u bë në mes të një krize energjetike në Evropë që është shkaktuar nga lufta ruse kundër Ukrainës.
Për ta përballuar këtë krizë, qeveritë evropiane po përpiqen të diversifikojnë furnizimet e tyre dhe të marrin masa për të reduktuar kërkesën dhe për të kursyer energji.
Bashkia e Parisit do të fikë gjithashtu dritat në tabelat e reklamave midis orës 23:45 dhe 6 të mëngjesit me orën lokale duke filluar nga 1 dhjetori.