ITALI– Dy shqiptarë kanë kryer më shumë se 55 vjedhje në Itali. Mario Kishta dhe Isuf Fisti janë dy të rinjtë që janë gati të dëmshpërblejnë të grabiturit.
Dhe për këtë gjyqtari Italian Andrea Rat i dënoi ata me pak se pesë vjet, ndërkohë që prokurori Iacopo Berardi kishte kërkuar dënim 10 vjet e 8 muaj. Në strofkën e tyre karabinierët kishin gjetur bizhuteri, para, mjete vjedhjeje, veshje për maskim dhe një pistoletë.
Dy hajdutët shqiptarë janë Mario Kishta, 21 vjeç, banues në Gussola në zonën e Kremones (për të dënimi prej 5 vjetësh e 8 muajsh), ai do të mbetet në arrest shtëpiak pavarësisht se gjykata ka vendosur që ai mund të vazhdojë të shkojë në punë pikërisht sepse synon që të paguajë viktimat dhe i dyti, Isuf Fisti, 32-vjeçar i pastrehë do të mbetet në burg sepse ai ende duhej të vuante 5 vite për një dënim të mëparshëm për vjedhje.
Të dy në sallën e gjyqit, megjithatë, ishin përpjekur që nga fillimi i gjyqit, të korrigjonin gabimet: “Ne duam të paguajmë dëmet për të grabiturit, brenda kufijve të mundësive tona”. Kista ishte i rregullt në Itali dhe dikur kishte pasur një punë në industrinë e ndërtimit. “Që kur e humba, kam filluar të vjedh. Por tani unë dua të ndryshoj jetën time, “i tha ai gjykatësit.
