Bota
Putin bisedë telefonike me Xi Jinping
Vladimir Putin dhe homologu i tij kinez kanë zhvilluar një bisedë telefonike mëngjesin e sotëm.Ndihmësi i Kremlinit, Yury Ushakov tha se presidenti rus dhe Xi Jinping të dy kundërshtuan atë që ata e quajtën “ndërhyrjen e SHBA” në punët e vendeve të tjera.Të dy udhëheqësit thanë gjithashtu se synonin të krijonin “një rend botëror shumëpolar, më të drejtë dhe se do të vazhdojnë bashkëpunimet e ngushta mes dy vendeve.
Megjithatë, ata thanë se nuk kishte plane për vizita në vendet e njëri-tjetrit për momentin.Të dy liderët gjithashtu diskutuan situatën në Ukrainë dhe zgjidhjen e konfliktit në Lindjen e Mesme dhe ranë dakord të vazhdojnë kontaktet dypalëshe, por pa dhenë detaje të mëtejshme.