BRITANIA E MADHE- Një rekord negativ është shënuar gjatë 24 orët e fundit në Britaninë e Madhe, pasi si pasojë e COVID-19 humbën jetën 1,610 persona, shifër e cila nuk ishte regjistruar më parë gjatë gjithë periudhës së pandemisë.
Gjatë 24 orët e fundit kanë rezultuar pozitiv me koronavirus 33.355 persona.
Numri total i infektimeve ka shkuar 3.466.849, ndërkohë që numri i viktimave është 91.470 në të gjithë vendin që nga fillimi i pandemisë duke përfshirë edhe përditësimet e ditës së sotme.
Britania e Madhe është vendi i parë në botë i cili nisi vaksinimin e qytetarëve për COVID-19 me Pfizer.
Pas vaksinës Pfizer nga kompania BioNtech ajo ka miratuar edhe vaksinës AstraZeneca dhe Moderna me qëllim minimizimin e infektimeve dhe viktimave si pasojë e virusit.
Pas shfaqjes së varianteve të reja të COVID-19, qeveria britanike ka ndërmarrë masa më strikte shtrënguese anti-COVID.
