GJERMANI- Pak para se të rihapen shkollat në Gjermani, të hënën, ka mundësi që vendi të goditet nga një valë e tretë e COVID-19.
Sipas “The Guardian”, pavarësisht masave të rrepta anti-COVID, numri i infektimeve nuk ka pësuar ndonjë ulje dhe as situata epidemiologjike në vend nuk paraqitet e qëndrueshme. Sipas ekspertëve kjo ka ardhur si pasojë i përhapjes me shpejtësi të varianteve të reja të COVID-19.
Agjencia Gjermane e Shtypit, ndërkohë ka raportuar se mësuesit dhe edukatorët janë në grupin e tretë në prirje te marrjes së dozës dhe si pasojë nuk do të vaksinohen deri nga vera.
Kancelarja Angela Merkel dhe krerët e qeverisë së shteteve federale i kishin kërkuar Ministrisë së Shëndetësisë në takimin e tyre të fundit nëse është e mundur që këta punonjës të spostoheshin dhe të afroheshin më shumë në listën e përparësive, pasi kanë një rrezik tepër të lartë infektimi.
Numri aktual i infektimeve ka shkruan 2,388,417, ndërkohë që ai i viktimave është 68,343në të gjithë vendin që nga fillimi i pandemisë.
Fillimisht Gjermania ishte ndër vendet të cilat janë përballur më së miri me pandeminë, por duket sikur vala e dytë e COVID-19 ka gjetur këdo të papërgatitur.
Në Gjermani vaksinimi ka nisur më 28 dhjetor të vitit 2020 si në shumicën e vendeve evropiane, megjithatë ende nuk po stabilizohet gjendja epidemiologjike.
