Gjatë 24 orëve të fundit, 448 persona kanë humbur jetën në Itali, duke e thelluar më tej bilancin tragjik të vdekjeve.
Gjithashtu, autoritetet raportuan për 12532 raste të reja infeksionesh, në ulje të dukshme nga dje, kur ishin 18627, por me shumë më pak testime të kryera.
Ndërkohë, autoritetet italiane mendojnë se kanë gjetur “pacientin 1”, ose më mirë pacienten. Bëhet fjalë për një vajzë 25-vjeçare të cilës i ishte bërë një biopsi të lëkurës në 10 nëntorin e vitit 2019.
Pacientja në atë kohë kishte vetëm një skuqje të krahëve, patologji e lëkurës që tani e dimë që paraqitet si simptomë në rreth 5-10% të pacientëve me COVID-19, por që në momentin e analizës së vajzës ende nuk imagjinohej.
