Aktualitet
SHBA/Pandemia nuk ndal shqiptarët në Filadelfia të ngrejnë flamurin më 28 nëntor
Flamuri shqiptar në Filadelfia do të valëvitet për festat e Nëntorit pavarësisht pandemisë.
Lajmi bëhet i ditur nga organizata “Bijtë e Shqipes” në këtë rajon, sipas të cilëve është marrë leja nga autoritetet e bashkisë të cilat kanë miratuar kërkesën për ngritjen në mënyrë ceremoniale të flamurit kombëtar tek ndërtesa e bashkisë me rastin e 108 vjetorit të Pavarësisë së vendit tonë.
“Ceremonia do të bëhet, me datë 27 Nëntor 2020, ora 10:30 AM -11:30 AM. Nisur nga kushtet e krijuara nga pandemia COVID-19, pjesëmarrja do të jetë e kufizuar dhe të gjithë pjesëmarrësit janë të detyruar të mbajnë maskat gjatë gjithë kohës”, bën të ditur organizata.
Ndërkaq, pritet edhe miratimi i kërkesës që tek ndërtesa kryesore e kompanisë PECO në Filadelfia të vendoset reklama “Happy Albanian Intependence Day” per dy dite ne datat 27 & 28 Nentor ose 28 & 29 Nentor 2020.