Shefi i ndihmës i OKB-së: Njerëzimi po dështon

Duke i qëndruar për një moment situatës humanitare në Gaza, OKB-ja ka folur më shumë për frikën e saj lidhur me situatën.

Kushtet po bëhen “shpejt të paqëndrueshme”, tha shefi i ndihmës i OKB-së, Martin Griffiths.

Nuk ka energji, ujë apo lëndë djegëse në Gaza dhe ushqimi po mbaron, tha Griffiths, duke shtuar se familjet janë bombarduar “ndërsa shkojnë drejt jugut përgjatë rrugëve të mbipopulluara dhe të dëmtuara, pas një urdhri evakuimi nga Izraeli”.

“Kam frikë se më e keqja nuk ka ardhur ende,” shtoi ai. “Njerëzimi po dështon.”

Mes thirrjeve nga OKB-ja për shtimin e përpjekjeve për të lejuar ndihmat humanitare në Gaza, një numër i përgjithshëm prej të paktën pesë avionëve që transportonin ndihma humanitare kanë mbërritur në Sinai të Egjiptit, thanë zyrtarët e Kryqit të Kuq.

Organizata Botërore e Shëndetësisë tha se një aeroplan që transportonte ilaçe për traumën dhe furnizime shëndetësore ishte ulur gjithashtu.

Aeroporti Al Arish në Sinai është rreth 45 km (28 milje) nga kufiri i Gazës, por kalimi Rafah mbetet i mbyllur.

Ministrat e Jashtëm të Turqisë dhe Gjermanisë janë sot në Egjipt, duke punuar me zyrtarët egjiptianë për të dërguar ndihma në Gaza.

Gjermania dhe SHBA-ja po punojnë gjithashtu për të nxjerrë qytetarët e tyre nga Gaza në Egjipt përmes Rafahut.