Maqedonia e Veriut po përballet me një rritje të frikshme të numrit të viktimave dhe rasteve të reja si pasojë e Covid-19.
Ministria e Shëndetësisë thotë se 35 persona kanë humbur jetën, ndërsa janë evidentuar 1163 raste të reja.
Listës së të shëruarve me coronavirus i janë shtuar 854 qytetarë, kurse në total numri i tyre ka shkuar në 112 619.
Në krahasim me Shqipërinë dhe Kosovën, Maqedoninë e Veriut ka pasur më shumë të vdekur në një vit epidemi.
Sipas autoriteteve, në RMV kanë ndërruar jetë deri tani 4 108 pacientë, shifër kjo tepër e lartë nëse krahasohet me numrin e popullsisë.
Aktualisht në tërë vendin janë 22164 raste aktive me coronavirus dhe për t’i bërë ballë kësaj vale të shpejtë të infektimeve, Maqedonia e Veriut ka hartuar një plan masash kufizuese me synim për të ulur prirjen e infeksionit në popullatë.
