“Shkolla Shqipe në Zvicër” është një shembull i punës dhe përkushtimit të vazhdueshëm për të mësuar gjuhën shqipe fëmijët në Diasporë. Ky institucion ka vendosur të zgjerojë stafin e mësuesve për mësimin e gjuhës shqipe, sepse “Shkolla shqipe në Zvicër” po rritet dita-ditës.
Numri i fëmijëve shqiptarë që ndjekin mësimet në gjuhën amtare ka ardhur në rritje, ndaj dhe pritet që të tjera shkolla të hapen në kanton të ndryshëm.
Përfaqësues të shkollës shqipe në Zvicër njoftojnë të gjithë ata që duan të bëhen pjesë e stafit dhe plotësojnë kushtet e kërkuara të aplikojnë: “Për të mbuluar kërkesën për mësues të shkollave, të cilat do të hapen në muajt në vazhdim, ju bëjmë thirrje të gjithë atyre, që kanë leje qëndrimi në Zvicër kanë mbaruar Fakultetin për Gjuhë dhe Letërsi Shqipe apo Fakultetin Pedagogjik, të na bashkohen në rrugëtimin tonë të përbashkët në shërbim të gjuhës dhe shkollës shqipe. Kërkesa, jetëshkrimi dhe dokumentacioni i duhur në kopje (diploma, vërtetimet e përvojës së punës, leje qëndrimi në Zvicër, certifikatat për kurset e ndjekura) të skanuara në pdf, të dërgohen në adresën elektronike: [email protected] “, thuhet në njoftim.
