Ka shkuar mbi 86 milion numri i personave të infektuar me koronavirus në të gjithë botën që nga fillimi i pandemisë. Ndërkohë që numri i viktimave ka arritur në 1 861 764 individë.
Shteti me më shumë të infektuar me koronavirus është SHBA me mbi 21 milionë njerëz, ku vetëm 24 orët e fundit janë shënuar 180 mijë e 477 raste të reja me COVID-19. Ndërkohë që kanë humbur jetën 1 mijë e 903 pacientë duke bërë që numri i viktimave nga fillimi i pandemisë të arrijë në 353 mijë e 483 viktima.
Pas SHBA renditen India, Brazili, Rusia, Mbretëria e Bashkuar, Franca dhe Turqia.
Raste të shumta të infeksioneve me Covid-19 kanë nisur që të regjistrohen në Britaninë e Madhe, veçanërisht me variantin e ri ku për pasojë, qeveria u detyrua të ndërmarrë masa shtrënguese dhe vendosjen e një shtetrrethimi të tretë.
