Kronike
Shpresa vdes e fundit/ Organizonin lojëra fati në mënyrë të paligjshme, disa të arrestuar në Tiranë
TIRANË– Policia e Tiranës ka vënë në pranga 5 persona të cilët organizonin lojëra fati në mënyrë të paligjshme.
Në kuadër të operacionit ‘Shady snake’ u arrestuan shtetasit R. J., 25 vjeç, B. M., 36 vjeç, M. F., 38 vjeç, K. B., 30 vjeç, dhe Q. Sh., 42 vjeç, të gjithë banues në Tiranë.
Gjatë kontrolleve të ushtruara në disa subjekte të vëna në dispozicion për organizimin e lojërave të fatit, u konstatuan këta shtetas, në celularët e të cilëve shërbimet e Policisë gjetën faqe dhe linqe që shërbenin për vënien e basteve sportive.
Gjatë operacionit u sekuestruan në cilësinë e provës materiale, 7 celularë që shërbenin për këtë veprimtari të paligjshme.
Materialet procedurale i kaluan Prokurorisë, për veprime të mëtejshme.