Shendeti
Shume vitamina, shume suplemente, shume antibiotike, shume shurupe, shume hollues
Nga Blerta Brati Doktor mikrobiolog në ISHP Tirane.
Mjekësia është një shkencë e cila duhet të marrë parasysh dozat në gramaturat rigoroze dhe të sakta, për të krijuar trajtime që funksionojnë në përputhje me grupet e moshave dhe gjendjen e shëndetit të pacientit. Gjithkush ka një organizëm të ndryshëm që nuk i përgjigjet në të njëjtën mënyrë trajtimit të njëjtë, dozimi i të cilit ndryshon në përputhje me ecurinë e shërimit. Kështu që nuk duhet të shpresojmë se një bimë/ medikament/suplement i vetëm do të jetë në gjendje të shërojë pandeminë. Gjithnjë e më shumë “sharlatanë” po përfitojnë nga dëshpërimi që mbretëron mbi mungesën e një vaksine kundër Covid-19 ,,,,
Përballë shkallës së pandemisë së Coronavirusit në të gjithë botën, psikoza po fiton terren. Farmacitë po përjetojnë mungesa të shtesave dietike, rritësve të imunitetit, vitaminave C dhe D dhe shumë ilaçeve të tjera, të cilat disa konsumatorë i marrin për parandalim.
Për të verifikuar efektivitetin e këtyre ilaçeve te njerëzit e shëndetshëm ose tek ata që dolën pozitivë për covid-19, mjekët sqarojne: –
Çdo lloj trajtimi kundër covid-19, kërkon vite kërkimesh të përbashkëta në disa faza klinike, teste mbi njerëz për të verifikuar efektivitetin e tij, kundërindikacionet e tij, efektet anësore dhe përbërjen, për të qenë në gjendje ta shesim atë në treg- shpjegojne mjeket si perfundim!!