Kryedemokrati Lulzim Basha ka zhvilluar sot një takim me mjekët dhe infermierët për të dëgjuar nga afër shqetësimet e tyre.
Ata kanë folur për situatën, ndërsa Basha ka prezantuar planin e PD për Shëndetësinë.
Gjatë këtij takimi i tërhoqi vëmendjen deklarata e një mjeku, i cili tha se qeveria kishte cuar në spital disa njerëz për të lyer pavjonin, por që ata përgjonin se cfarë ata do thonin për qeverinë. Mjeku e ka cilësuar veprimin si në kohën e komunizmit.
“Në kohën që kam qenë unë drejtor, shifra e punonjësve të administratës me tashi është dyfish, mos qoftë më shumë. Ishin tre katër veta të personelit, tani nuk i nxë dhoma, lëri këto kordinatorët hy, dil kot, thjeshtë kjo e militantëve. Madje dje kisha 1-2 të auditit dhe më thanë të gjithë punonjësit që kanë 25 apo 30 vite në punë i është rritur 4 mijë lekë rroga, ndërkohë që ata që janë bijtë e partisë i janë shtuar nga 100-150 mijë.
Kanë vendosur dhe spijuna. Kishin ardhur për të lyer, dhe pavjonin edhe filluan një dhomë sot dhe iknin, një dhomë neser. Dhe thash po pse se bëjnë të tërë pavjonin në një radhë. Më thanë po ti se ke kuptuar vijnë të dëgjojnë se cfarë themi ne për qeverinë. Mjeshtra, si ato metodat e sigurimit në kohën atëhere”, tha mjeku.
