Connect with us

Biznes

SIGAL ONLINE, siguracionet  që ju nevojiten në cel…

Published

on

Mirë se vini në Shqipëri/ SIGAL ONLINE, siguracionet  që ju nevojiten në celularin tuaj

SIGAL UNIQA Group Austria, kompania më e madhe në tregun e sigurimeve shqiptare, ka ndërmarrë iniciativa të njëpasnjëshme, të bukura dhe inovative duke dashur të jetë jo vetëm afër klientëve, por mbi të gjitha në linjë me tendencat e reja të zhvillimeve teknologjike duke u mbështetur në avantazhet e saja më të forta për një menaxhim sa më të mirë të klientëve.

Sot, SIGAL UNIQA vjen pranë klientëve, brenda e jashtë vendit, me SIGAL ONLINE, platforma që ofron një mundësi fantastike për të aksesuar direkt siguracionin që na nevojitet.

E kur gjatë stinës së verës fluksi i emigrantëve që zgjedhin të kalojnë pushimet në Atdhe rritet, SIGAL ju vjen në ndihmë përmes mundësisë për të blerë siguracionet që kërkohen në Shqipëri përmes celularit dhe pa pritur asnjë moment në rradhët e gjata në pikat kufitare, tokësore apo detare. 

“Ku ka më bukur se të kalosh pushimet e verës pranë familjes. 

Por sapo të hyni në Shqipëri, do t’ju kërkohet pajisja me Policën Kufitare, siguracioni i detyrueshëm për mjetet me targa të huaja që qarkullojnë brenda territorit të Republikës së Shqipërisë.

Ky siguracion mbulon:  

  • Përgjegjësinë ndaj palëve të treta për automjetet me targë të huaj. 
  • Dëmet materiale, shëndetësore dhe pasurore të shkaktuara ndaj palëve të treta.  
  • Dëmet shëndetësore dhe pasurore që pësojnë pasagjerët.  

Por tashmë falë SIGAL ONLINE ju mund ta blini këtë siguracion direkt nga celulari apo laptopi juaj, në çdo vend të Europës që ndodheni. 

E teksa të tjerët do presin rradhën në pikat e kalimit kufitar ju do të përfitoni kohë për të shkuar më shpejt pranë familjarëve tuaj”, shprehet Skerdi Jareci, Menaxher për Shitjet Online pranë SIGAL UNIQA. 

Kohëzgjatja e siguracionit mund të jetë 15 ditë, 45 ditë, 1 muaj, 6 muaj ose 1 vit.

“Siguracioni në dorën tuaj” është slogani që simbolizon perfekt atë çfarë ofron sot për të gjithë klientët SIGAL ONLINE, duke filluar që nga blerja e siguracionit të pronës, shëndetit apo automjetit dhe informimi në kohë rekord se si të veprosh në rast dëmi.

Por mos harroni!  

Para se të mbërrini në Shqipëri, qoftë për pushime, për çështje pune apo për të vizituar të afërmit tuaj, ju nevojitet Sigurimi i Shëndetit, në mënyrë që të keni akses në një kujdes sa më të mirë shëndetësor, pa pasur frikë nga shpenzimet financiare.

“Siguracioni “Jeto dhe Udhëto në Shqipëri” ofrohet në 3 opsione nga SIGAL UNIQA Group Austria, dy prej të cilave mund të blihen direkt online ndërsa opsioni I trete mund porositet ONLINE në webfaqen e kompanisë.

Opsioni i parë me limit moshe deri në 65 vjeç mbulon

Shpenzimet per mergjencat mjekesore në rast semundje ose aksidenti në Shqipëri deri në 10.000 euro

Shpenzimet per Evakuim mjekësor dhe riatdhesim

Shpenzimet per Urgjencat dentare

Opsioni i dytë me limit moshe deri në  79 vjeç mbulon:

Shpenzimet për emergjencat mjekesore në Shqipëri deri në 5000 euro

Shpenzimet per Urgjencat dentare

Ndërsa opsioni i tretë mbulon:

Shpenzimet për emergjencat mjekësore në rast sëmundjeje apo aksidenti në Shqipëri deri në 5000 euro

Shpenzimet për urgjencat dentare

Deri në 50% zbritje për shërbimet ambulatore nga rrjeti mjekesor SIGAL UNIQA

Kujdesi parandalues (Check Up) një herë në vit

Kujdesin për shikimin: vizite okulistike falas si edhe shërbime optike me zbritje neë klinika të percaktuara nga SIGAL UNIQA”, shpehet Erinda Hysi, Menaxhere e Shëndetit Privat pranë SIGAL UNIQA.

SIGAL UNIQA Group Austria-s i është besuar prona, shëndeti, automjeti dhe gjithçka tjetër me vlerë që prej vitit 1999.

Që nga ajo kohë SIGAL është rritur dhe ka evoluar, por një gjë ka mbetur e njëjtë: angazhimi dhe përkushtimi ndaj klientëve. Kompania përmbush detyrimet e saj kontraktuale, duke paguar çdo vit miliona euro dëmshpërblime tek klientët e saj.

Pas suksesit të SIGAL UNIQA Group Austria qëndron një ekip drejtues me vizion e perspektivë të qartë për të përqafuar zhvillimet e kohës si dhe një armatë e tërë prej mbi 1000 punonjësish e agjentësh në të gjithë degët e kompanisë që janë aty për t’u shërbyer klientëve në çdo kohë.

Nëse doni të siguroheni ka vetëm 1 emër, SIGAL UNIQA Group Austria

Për më shumë informacion:

Web: www.sigal.com.al/online 

E-mail: [email protected] 

WhatsApp: +355 68 60 62 829

Biznes

Konfindustria: Shtyni afatin e paraqitjes së pasqyrave…

Published

on

By

Sulmi kibernetik ndaj E-Albania, Konfindustria kërkesë Ministrisë së Financave: Shtyni paraqitjen e pasqyrave financiare të biznesve përtej 31 korriku

Konfindustria i ka kërkuar ministrisë së Financave dhe Ekonomisë që të shtyjë afatin e paraqitjes së pasqyrave financiare të bizneseve përtej detyrimit të datës 31 korrik 2022.

Përmes një njoftimi, Konfindustria thotë se ‘‘është plotësisht e pamundur teknikisht depozitimi i pasqyrave financiare për shkak të problematikave të mëdha të platformës qeveritare elektronike e-albania, pas sulmit kibernetik që u ndërmorrë ndaj saj.

Ndërkohë në rast te mos shtyrjes së afatit ligjor me dhjetra mijëra biznese të vegjël, të mesëm dhe të mëdhenj me qarkullim mbi 5 milionë lekë të ardhura vjetore do të gjobiten automatikisht me 60 mijë lekë.

Gjergj Buxhuku, Administrator i Përgjithshëm I Konfindustrisë thotë se kjo është e padrejtë pasi përgjegjesia për vonesat është e platformës qeveritare.

 

Sipas tij, “Përvec problemeve të shumta teknike sistemi shqiptar i teknologjisë ka dobësi të mëdha në mbrojtjen e informacionit të shtetasve, qeverisë dhe qytetarëve” dhe se “Vetëm pak muaj më parë rrodhën informacione private të pagave, të targave të makinave dhe numrat e telefonit, që prekën qindra mijra qytetarë dhe biznese”.

Në njoftim thuhet gjithashtu se “Konfindustria i kërkon ekzekutivit, që njëkohesisht me aktin normativ në fjalë, të fillojë edhe rishikimi i plotë i përmirësimit të procesit të fiskalizimit”

 

 

Continue Reading

Aktualitet

Drejtohuni kompanive të sigurimeve për aksidentet

Published

on

By

Aksidentet rrugore vijojnë të mbeten një prej problematikave më të mëdha të Shqipërisë, që vit pas viti shkaktojnë dhjetëra viktima e qindra të lënduar. Shifrat tregojnë për një rritje të vazhdueshme të aksidenteve, kjo si pasojë e problemeve me sinjalistikën, mungesën e kujdesit të shoferëve dhe të këmbësorëve.

Sipas statistikave, Shqipëria ka një normë prej 14 aksidentesh për 100 mijë banorë, shifër kjo e vlerësuar ndër më të lartat në vendet e rajonit. Në një raport të mëparshëm, Banka Botërore e rendiste Shqipërinë në vendin e tretë në Europë për normën më të lartë të vdekjeve në rrugë, përkatësisht 94 vdekje për 1 milion banorë.

Nxitur nga kjo situatë CEO i kompanisë së sigurimit SIGAL UNIQA Group Austria z. Avni Ponari, në një intervistë për emisionin “Aktualitet” në Fax News, ka dhënë disa këshilla me vlerë për drejtuesit e automjeteve që përfshihen në aksidente.

“Ligji e ka përcaktuar qartë. Në çdo aksident përfitojnë edhe pasagjerët, edhe drejtuesi i mjetit nëse nuk është shkaktar në aksident. Makina shkaktare nuk përfiton. Pasagjerët në makinën shkaktare përfitojnë.
Shoferi i makinës shkaktare nuk përfiton prandaj u themi gjithmonë qytetarëve, në qoftë se përfshihesh në aksident, tregohu i kujdesshëm që mos rezultosh fajtor, tregohu i kujdesshëm të mbrosh veten tënde, tregohu i kujdesshëm nga manipulimi që bëjnë policët sepse presioni në moment është shumë i madh. Ndërrojnë fajësinë dhe ky është një krim i madh që bën Policia duke ndërruar fajësinë nga një makinë në tjetër. Kjo është shumë e rëndë sepse Policia është ajo që bën evidentimin e ngjarjeve.

Përfituesit janë të përcaktuar qartë. Rregullorja e AMF e ka të përcaktuar vlerën e dëmshpërblimit dhe mënyrën e dëmshpërblimit të qartë. Secili klient është i lutur të shkojë në kompanitë e sigurimeve dhe mbi bazën e rregullores së AMF në mënyrë automatike e nxjerr vlerën ashtu siç bëhet vlerësimi për dëmet materiale”, tha ndër të tjera CEO i Grupit SIGAL.

Dëmet shëndetësore shkaktuar në aksidente rrugore, ashtu siç është faktuar edhe nga emisionet investigative në televizione të ndryshme, janë kthyer gjithnjë edhe më shumë në nje mundësi për gjueti mjeshtërore nga ana e avokatëve. Ata i ‘peshkojnë’ klientët e tyre në Spitalin e Traumës apo pranë Institutit të Mjekësisë Ligjore, i njohur shkurt si “Morgu i Tiranës”, ku ‘kapin rastin’ dhe hidhen në sulm duke bërë premtime të menjëhershme. Ata trumbetojnë se ‘gjoja’ kompanitë e sigurimit nuk paguajnë dhe se ata, pra këta avokatë, i detyrojnë kompanitë që të paguajnë. Një prokurë e posaçme dhe e menjëhershme për shkak të gjendjes së vështirë ku mund të ndodhen klientët krijon një nyje lidhëse nëpërmjet së cilës mbërthehet viktima e rradhës. Nëpërmjet prokurës bllokohet
pasuria, shtëpia, biznesi apo çfarëdolloj aseti tjetër që familja mund të ketë dhe këtu fillon kalvari që mund të zgjasë nga 2 deri në 5 vjet. Për këtë arsye, Z. Ponari gjeti edhe një herë mundësinë që ti drejtohej qytetarëve me një apel
shumë të qartë: “drejtohuni te kompanitë e sigurimeve, shmangni avoketërit apo ndërmjetësit”.

“Duke iu drejtuar palëve të treta, duke zgjedhur ndërmjetës nuk bëjnë gjë tjetër veçse humbasin gjysmat e parave që u takojnë. Ndoshta i humbasin edhe fare sepse raste kur avokatët ua kanë marrë të gjitha lekët dhe nuk u kanë dhënë asgjë. Dhe tani vazhdojnë ti ndjekin me gjyqe. Të gjithë njerëzve ua them me shumë sinqeritet. Shkoni në kompanitë e sigurimeve. Nëse kompania nuk ju paguan brenda afatit të caktuar nga momenti që ti dorëzon dokumentar, që
është maksimumi tre muaj, atëherë drejtohu gjykatës. Por mendoj se më e mira është ta zgjidhësh problemin brenda kompanisë së sigurimit, të kërkosh vlerën që të takon e të largohesh. Kjo është e drejtë e ligjshme që i takon secilit të dëmtuar në një aksident”, u shpreh z.Ponari.

 

Continue Reading

Biznes

2 milionë euro, Rama: Po na paragjykoni

Published

on

By

Ditën e sotme për mediat, Edi Rama deklaroi se projektligji për Amnistinë Fiskale do të vazhdojë të ecë para.

Ai iu përgjigj kritikave duke thënë se qeveria po ballafaqon kritikat me faktet dhe faktet me burimet e kritikave.

Ndër të tjera tha për këtë çështje se po merret opinion i gjerë.

Ai shtoi se Shqipëria po paragjykohet pasi vendet e tjera mund ta aplikojnë amnistinë fiskale, por jo Shqipëria.

Projektligji i amnistisë fiskalw paraahikon deklarimin e deri në 2 MLN € të pasurisë pa patur nevojë të deklarosh burimin. Nisma është cilësuar si hapi i parë i kthimit të Shqipërisë në parajsë fiskale.

Continue Reading

Biznes

Zef Shtjefni: Zgjohuni, po shkojmë drejt kolapsit

Published

on

By

Reagim nga Zef Shtjefni

Nesër në bursën e Budapestit, energjia pritet të shkojë 674.44 euro/mwh. Industria shqiptare, por jo vetëm ajo po shkon drejt një kolapsi të plotë.

I bëj thirrje Kryeministrit Edi Rama ta marrë vetë situatën në dorë dhe të heqë të gjitha burokracitë, pengesat e taksat, me qëllim që bizneset e vogla e të mëdha, si dhe cilado familje që ka hapësira, të vendosin panele diellore për vetëkonsum, por masivisht dhe për treg.

Jemi jashtëzakonisht vonë. Ligji actual është demotivues, është pengesë absurde dhe tmerrësisht e dëmshme për situatën.

Strukturat shtetërore, qëndrore dhe locale dhe OSSH, duhet të zgjohen dhe të mos pengojnë bizneset dhe bankat që të investojnë me shpejtësi për të përballuar këtë situate, të paparë ndonjëherë.

LUTEM ZGJOHUNI!

Continue Reading

Biznes

Inflacioni nuk ndalet, kërcen në 7.4%

Published

on

By

INSTAT njoftoi se Inflacioni, që mat ndryshimin e çmimeve të një shporte mallrash të caktuar, arriti në 7.4% në qershor, nga 6.7% që ishte në maj dhe shumë më i lartë se janari i këtij viti, kur trgeuesi ishte 3.7%, duke shënuar një tjetër rekord të ri të 20 viteve të fundit, që nga marsi i vitit 2002, kur treguesi arriti në 7.4% dhe po arrin nivelin më të lartë që nga koha e piramidave në 1997-s, kur ishte mbi 40%.

Çmimet kanë vijuar rritjen edhe gjatë muajit qershor, duke përkeqësuar më tej financat e familjeve shqiptare që për të blerë të njëjtën sasi produktesh duhet të shpenzojnë më shumë, ndërkohë që të ardhurat e tyre kanë mbetur pothuajse në vend. Ushqimet, për të cilat familjet shpenzojnë 42% të buxhetit, pesha më e larti në Europë, dhe karburantet kanë shënuar shtrenjtimin më të fortë.

INSTAT njoftoi se Inflacioni, që mat ndryshimin e çmimeve të një shporte mallrash të caktuar, arriti në 7.4% në qershor, nga 6.7% që ishte në maj dhe shumë më i lartë se janari i këtij viti, kur trgeuesi ishte 3.7%, duke shënuar një tjetër rekord të ri të 20 viteve të fundit, që nga marsi i vitit 2002, kur treguesi arriti në 7.4% dhe po arrin nivelin më të lartë që nga koha e piramidave në 1997-s, kur ishte mbi 40%.

Ndërsa në qershor të një viti më parë, inflacioni ishte vetëm 1.6%.

Sipas INSTAT, Rritja vjetore e çmimeve në muajin Qershor është ndikuar kryesisht nga grupi “Ushqime dhe pije joalkoolike” me +4,38 pikë përqindje, pasuar nga grupi “Transporti” me +1,53 pikë përqindje. Çmimet e grupit “Qira, ujë, lëndë djegëse dhe energji” me +0,54 pikë përqindje. Çmimet e grupit “Mobilje, pajisje shtëpie dhe mirëmbajtje e shtëpisë” me +0,28 pikë përqindje. Çmimet e grupit “Hotele, kafene dhe restorante” kanë kontribuar me +0,25 pikë përqindje. Çmimet e grupit “Pije alkoolike dhe duhan” me +0,23 pikë përqindje. Çmimet e grupit “Veshje dhe këpucë” me +0,07 pikë përqindje. Çmimet e grupit “Mallra dhe shërbime të ndryshme” me +0,05 pikë përqindje. Çmimet e grupit “Komunikimi” dhe “Shërbimi arsimor”me +0,02 pikë përqindje secili. Çmimet e grupit “Shëndeti” me +0,01 pikë përqindje.

Ndryshimet vjetore të grupeve kryesore: Krahasuar me muajin Qershor 2021, rritja më e madhe e çmimeve vërehet në grupin “Transporti” me 26,9 %, pasuar nga grupet “Ushqime dhe pije joalkoolike” me 12,6 %, “Hotele, kafene dhe restorante” me 5,6 %, “Pije alkoolike dhe duhan” me 4,7 %, “Mobilje, pajisje shtëpie dhe mirëmbajtje e shtëpisë” me 3,8 %, “Qira, ujë, lëndë djegëse dhe energji” me 2,8 %, “Veshje dhe këpucë” me 1,6 %, “Mallra dhe shërbime të ndryshme” me 1,0 %, “Komunikimi” dhe “Shërbimi arsimor” me 0,6 % secili dhe “Shëndeti” me 0,3 %. Nga ana tjetër, grupi “Argëtim dhe kulturë” u ul me 0,9 %.

Brenda grupit të ushqimeve çmimet e nëngrupit “vajra dhe yndyrna” u rritën me me 30,3 %, pasuar nga nëngrupet “bukë dhe drithra” me 19,1 %, “qumësht, djathë dhe vezë” me 18,5 %, “sheqer, recel, mjaltë, çokollata dhe mbëlsira” me 14,3 %, “zarzavate përfshirë patatet” me 10,3 %, “mish” me 9,0 %, “peshk” 8,6 %, etj.

Ndryshimet mujore të grupeve kryesore: Krahasuar me muajin Maj 2022, çmimet e grupit “Ushqime dhe pije joalkoolike” u ulën me 1,4 %, pasuar nga grupet “Argëtim dhe kulturë” me 1,3 % dhe “Komunikimi” me 0,2 %. Nga ana tjetër, çmimet e grupit “Transporti” u rritën me 4,5 %, pasuar nga grupet “Mobilje, pajisje shtëpie dhe mirëmbajtje e shtëpisë” me 0,6 %, “Hotele, kafene dhe restorante” me 0,5 %, “Veshje dhe këpucë”, “Shëndeti” dhe “Mallra dhe shërbime të ndryshme” me 0,2 % secili dhe “Qira, ujë, lëndë djegëse dhe energji” me 0,1 %.

Banka e Shqipërisë rriti normën bazë për të dytën herë për të frenuar rritjen e çmimeve

Pak ditë më parë, Banka e Shqipërisë vendosi të rrisë për herë të dytë brenda pak muajsh normën bazë, në një përpjekje për të luftuar inflacionin, që është në nivelet më të larta të 20 viteve të fundit.

Norma bazë është rritur me 0.25 pikë përqindje në 1.25%. Ky është vendimi i dytë pas marsit, ku norma bazë u rrit nga 0.5 në 1%. Në mars u shënua dhe kthesa e parë e politikës monetare nga kahu lehtësues, – tendencë që kishte nisur që nga marsi i vitit 2011- , në atë shtrëngues.

Objektivi kryesor i bankës së Shqipërisë është ruajtja e stabilitetit të çmimeve. Instrumenti kryesor që ka banka për të realizuar këtë objektiv është norma bazë, përmes rritjes së të cilës institucioni monetar qendror përpiqet të ngadalësojë huamarrjen dhe si rrjedhojë konsumin si dhe të nxisë kursimet drejt bankave përmes normave më të larta të interesit të depozitave. Këto duhet, të paktën teorikisht, të ulin presionet inflacioniste në një ekonomi.

Guvernatori tha në deklaratën për shtyp pas vendimit, se informacioni i ri i marrë në analizë vijon të ilustrojë ndikimin që konflikti ushtarak në Ukrainë ka mbi ekonominë botërore dhe atë shqiptare. Rritja e çmimeve të produkteve, shtrëngimi i kushteve financiare dhe rritja e pasigurisë, kanë sjellë një rritje të fortë të inflacionit dhe kanë filluar të frenojnë ritmet e rritjes ekonomike.

Rifreskimi i analizës dhe përditësimi i projeksioneve të Bankës së Shqipërisë sugjeron se inflacioni në vend do të vijojë të mbetet i lartë gjatë vitit 2022. “Ky inflacion pasqyron – në masën më të madhe – efektet direkte të goditjes së ofertës që vjen nga tregjet ndërkombëtare. Megjithatë, pasojat e kësaj goditjeje rrezikojnë të forcohen dhe të zgjaten në kohë, si pasojë e kërkesës relativisht solide për mallra e shërbime në vend” tha Sejko.

Ai njoftoi se, në këto rrethana, Këshilli Mbikëqyrës gjykoi se rritja e inflacionit është rreziku kryesor që kërcënon rritjen e qëndrueshme dhe afatgjatë të vendit. Sa më sipër, Këshilli Mbikëqyrës vendosi të vijojë procesin e normalizimit të politikës monetare. Ky normalizim synon të krijojë kushte monetare të përshtatshme për kontrollin e inflacionit në horizontin afatmesëm dhe sinjalizon vullnetin tonë për respektimin e objektivit të stabilitetit të çmimeve./MONITOR

 

Inflacioni nuk ndalet, kërcen në 7.4%, shtrenjtohet gjithçka,

Continue Reading
Advertisement
Advertisement

TRENDING