Mjekja Najada Çomo në mbledhje të Komitetit Teknik të Ekspertëve tha se është shtuar numri i personave të infektuar dhe si rrjedhojë numri i të shtruarve në spital.
Ajo bëri të ditur se të prekurit nga Covid sëfundmi variojnë nga mosha 30-90 vjeç. Çomo tha se më rëndë janë ato të moshës 50-60 vjeç.
“Situata në spitalet COVID, është parë një shtim i personave të infektuar, dhe kjo pasqyrohet në shtimin e të shtruarve.
Ata janë pacientë në formë mbi atë të moderuar, dhe ata në gjendje të rëndë, pra kritike. Kjo shifër tregon një trend në rritje. Ky numër i shtuar do pasqyrohet me shtim të pacientëve.
Janë pacientë të të gjitha moshave, nga 30-90 vjeç. Mosha më e prekur është 50-60 vjeç. Një thirrje kam për njerëzit, që arma përveç vaksinës që kemi në dorë, është mbajtja e maskës, se jemi ndër të paktat vende që nuk respektojmë mbajtjen e maskës,” tha Çomo.
gsh/
