Sulmohet NATO/ Biden ‘dredh cigare’ e përkëdhel pengun e Putinit

Meqenëse presidenti rus Vladimir Putin ka performancë të dobët në Ukrainë, ai do të përdorë çdo taktikë të mundshme për të shpërqendruar Perëndimin. Kështu vlerëson Ivana Stradner, studiuese në Fondacionin për Mbrojtjen e Demokracive në një shkrim autorial të publikuar në NeW York Post. Sipas saj, Rusia me ndihmën e Serbisë, po provokon kaos në nënbarkun e butë të Evropës – në Ballkan.

“Qëllimi është të shtyjë Ballkanin në prag dhe të shkaktojë dhunë etnike, sepse kjo i lejon Kremlinit të minojë NATO-n dhe të rivendosë Rusinë si ndërmjetësin e fuqisë së rajonit”, ka shkruar Stradner.

Ajo ka pyetur edhe pse presidenti Joe Biden dhe ekipi i tij po mban kete qendrim

Analistja Stradner, ka renditur të gjitha faktet dhe ngjarjet e fundit në Ballkan duke i ndërlidhur kështu me Rusinë e Serbinë dhe kaosin që ato shkaktojnë për destabilizim të situatës.

Ja si nis autoriali I botuar

Sirenat e sulmit ajror u ndezën të martën në veri të Kosovës kur serbët etnikë u përleshën me policinë pasi u arrestua një udhëheqës i dyshuar i protestës serbe.

Dy javë më parë, pas zgjedhjeve komunale të kryebashkiakëve etnikisht shqiptarë, protestuesit serbë bënë të njëjtën gjë me trupat e NATO-s, duke plagosur 30 anëtarë të forcës paqeruajtëse të aleancës, KFOR.

Nga 1.8 milionë banorët e Kosovës, 92% janë shqiptarë dhe vetëm 6% janë serbë.

Vendi i vogël ka qenë prej kohësh një aleat i SHBA-së; është vendi ku njerëzit i emërtojnë fëmijët e tyre sipas liderëve amerikanë dhe disa sheshe e bulevarde kanë emra te tille si George Bush apo Bob Dole.

Kosova e do Amerikën sepse Uashingtoni e ndihmoi këtë zonë gjatë luftes së Serbisë kundër shqiptarëve etnikë dhe mbështeti pavarësinë e saj në vitin 2008.

Por dashuria amerikane nuk është qartë e pakushtëzuar.

Në vend që të merrej me shqetësimet e sjella nga Serbia, ambasadori i SHBA-së në Kosovë akuzoi qeverinë Kurti për krijimin e nje atmosphere krize ne very te vendit, kurse ambasadori i SHBA në Serbi lavdëroi Vucicin duke e quajtur një partner konstruktiv.

Amerika e largoi Kosovën nga pjesëmarrja në stërvitjen e saj aktuale të NATO-s, “Defender Europe 23”.

Ky ndryshim i çuditshëm në politikën amerikane i ka rrënjët në shmangien e rrezikut të Bidenit dhe frikën nga përshkallëzimi rus.

Shtetet e Bashkuara shqetësohen se Serbia do të përqendrohet drejt Rusisë dhe do të lejojë Putinin të hapë një front tjetër konflikti.

Por nëse ka një gjë që administrata e Bidenit duhet të dijë, ajo është se cdo shqetesim qe krijon Serbia, inkurajon Putinin.

Reagimi i presidentit serb Aleksandar Vuçiq përfaqëson taktikën e tij të preferuar për të përshkallëzuar dhe më pas për të de-përshkallëzuar për të përdorur Kosovën si mjet pazaresh me Perëndimin.

Kremlini tashmë po e inkurajon Serbinë të përshkallëzohet më tej.

Ministri i Jashtëm rus Sergej Lavrov e quajti shpërthimin e dhunës “shqetësuese” dhe ia atribuoi fajin Perëndimit. Ambasadori rus në Serbi, Aleksandr Botsan-Kharchenko tha se situata në Kosovë është një formë e “luftës hibride” dhe pretendoi se kundërshtarët e Vuçiqit duan të bëjnë “një grusht shteti të stilit Maidan”, duke iu referuar kryengritjes së Ukrainës 2013-2014.

Rusia po ndërhyn gjithashtu në terren.

Në shkurt, presidentja e Kosovës Vjosa Osmani paralajmëroi se anëtarët e grupit mercenar rus Wagner po punojnë me paraushtarakët serbë.

Verbëria e Perëndimit ndaj lojërave të pushtetit të Vuçiqit dhe Putinit dhe fajësimi i Kosovës përfaqëson një strategji realpolitike.

Shtetet e Bashkuara besojnë se Serbia është më e rëndësishme strategjikisht se Kosova, pasi Uashingtoni e di se Vuçiç mund të bashkëpunojë lehtësisht me Moskën për të ndezur një konflikt të ri në rajon.

Por paqtimi amerikan ndaj Serbisë nuk do të funksionojë: marrëdhëniet Serbi-Rusi janë të gjalla dhe të mira.

Bashkëpunimi i Serbisë me Perëndimin në stërvitjet ushtarake dhe retorikën boshe është pjesë e strategjisë së saj balancuese midis Rusisë dhe Uashingtonit, jo një shenjë e besnikërisë së saj ndaj Perëndimit.