Ish-kryenegociatorja e Kosovës, Edita Tahiri, ka thënë se Kosova nuk ka fare president pasi sipas saj, Vjosa Osmani është e dominuar komplet nga Albin Kurti
Ajo po ashtu ka treguar se është kontaktuar nga zyra e zëvendëskryeministrit Besnik Bislimit, dhe ka shtuar se ka kërkuar të jetë kryenegociatore ose zëvendëskryeministre.
“Ia thashë kushtet e mia por nuk pati reagim pozitiv” – ka theksuar Tahiri
Teksa ka folur për dialogun me Serbinë, ish-kryenegociatorja e Kosovës ka potencuar se kryeministri Albin Kurti përmes draft-statutit të Asociacionit të Komunave me Shumicë Serbe, “i ka dhënë autonomi minoritetit serb”.
“Ai ka pranuar Republikën Srpska në Kosovë. Rezoluta 1244 e kthen Kosovën pas dhe i jep UNMIK-ut sovranitet”, shtoi Tahiri dhe ka insistuar që Asociacioni duhet të bëhet në pajtim me Kushtetutën e Kosovës.
“E kemi obligim të bëhet në pajtim me Kushtetutën e Kosovës dhe të mos lejohet niveli i tretë i qeverisjes”, potencoi Ish-kryenegociatorja e Kosovës
