Aktualitet
U tha se ishte mbytur, 25-vjeçarja në gjendje të rëndë
Policia e Tiranës ka marrë një telefonatë se në ambientet e pishinës së një lokali në Linzë, ishte mbytur një vajzë.
Pas mbërritjes në vendngjarje kanë konstatuar brenda në pishinë, shtetasen E. T., 25 vjeçe, në gjendje të rëndë, e cila ishte e shoqëruar nga shtetasi O. M., 32 vjeç.
E reja pasi ka marrë ndihmën e parë mjekësore nga stafi i ambulancës, është transportuar në spital dhe ndodhet nën kujdesin e mjekëve.
Grupi hetimor po punon për sqarimin e rrethanave të ngjarjes.