SHBA-Vaksina anti-Covid Johnson & Johnson, me një dozë të vetme është efektive 66% në parandalimin e formave mesatare deri të rënda të virusit dhe është e sigurt për t’u përdorur, sipas një analize nga rregullatorët amerikanë përpara një vendimi përfundimtar.
Sipas TheGuardian, mësohet se ditën e nesërme këshilltarët e pavarur të Administratës së Ushqimit dhe Barnave do të diskutojnë nëse provat janë mjaft të forta për të rekomanduar dozat. Vendimi përfundimtar, pritet të dalë brenda pak ditësh.
J&J testoi opsionin e saj me dozë të vetme në 44,000 njerëz në SHBA, Amerikën Latine dhe Afrikën e Jugut. Për shkak se versione të ndryshme të virusit po qarkullojnë në disa vende, studiuesit analizuan rezultatet gjeografikisht.
J&J njoftoi më parë se vaksina funksionoi më mirë në SHBA duke garantuar një efektivitet prej 72% ndaj rasteve të lehta e të rënda të COVID-19-s, krahasuar me 66% në Amerikën Latine dhe 57% në Afrikën e Jugut.
