ROMË-Italia ka ecur me ritëm në vaksinimin e popullsisë më Pfizer dhe BionTech. Sipas mediave italiane, deri më tani në vend janë vaksinuar kundër Covid-19, 79,146 persona.
Lazio kryeson me numrin më të lartë të personave të vaksinuar me 16,366 vaksina të realizuara. Ndjekur më pas nga Piemonte me 9,478 të vaksinuar, Toskana me 6,824, Campania me 6,671 dhe Lombardia me 2,446.
Ndërkohë, në total nga dozat e aplikuara, 42,239 e të vaksinuarve janë gra dhe 32,437 burra. Grupmosha në të cilën u injektuan më shumë doza ishte 50-59 vjeç (22,536 vaksina), e ndjekur nga 40-49 (18,303) dhe 30-39 (14,004).
Vaksinimi i popullsisë ka nisur në datën 27 dhjetor. Itali është një nga vendet më të goditura nga pandemia e koronavirusit. Që prej fillimit të pandemisë në vend janë shënuar 2,141,201 raste infektimi dhe kanë ndërruar jetë 74,985 pacientë.
