Aktualitet
Veliaj: Të turpshme sulmet ndaj Luizit dhe Oltës, vetëm pse s’përkrahin Saliun
Kryetari i Bashkisë së Tiranës, Erion Veliaj komentoi mbështetjen e madhe që ka marrë në këto zgjedhje nga artistët. Ai tha se Bashkia e Tiranës i ka mbështetur të gjithë artistët, pa dallim, edhe ata që kanë bërë këngën e fushatës së PD-së. Veliaj solli dhe rastin më të fundit të sulmit nga drejtuesit e Foltores kundër Luizit dhe Oltës së Big Brother.
“Të shikosh çfarë i bënë Luizit e çfarë i bënë Oltës, ishte për turp. Pra, ai lloj linçimi ku ti i thua të tjerëve ‘Ose me mua, ose unë të turrem me libër shtëpie’, tregon se në ç’gjendje të rëndë mendore janë – por nuk është vetëm Saliu, është e gjithë ajo psikozë, që e drejton atë copë që ka ngelur nga PD-ja. Kur shikon njerëz që i turren Çiljetës pse ti flet mirë për Parkun e Liqenit dhe për Tiranën, ndërkohë që ajo është një nënë që po rrit fëmijën këtu dhe flet për gjëra që po ndodhin në Tiranë”, theksoi Veliaj.