Është arrestuar para pak minutave Përparim Ademi, autori i krimit të rëndë të mëngjesit të sotëm në Tiranë, ku ekzekutoi në banesë me armë automatik bashkëjetuesin e tij dhe të dashurën e saj.
Mësohet se Ademi është prangosur nga uniformat blu në tentativë për të dalë nga Tiranë.
“Si rezultat i rrethimit të zonës, pikave të kontrollit dhe trysnisë së ushtruar nga shërbimet e Policisë u bë e mundur vënia në pranga e autorit Përparim Ademi.
Ky shtetas aktualisht ndodhet në ambientet e Drejtorisë Vendore të Policisë Tiranë, për veprime të mëtejshme hetimore”, njofton policia.
Një ngjarje e rëndë ka ndodhur mëngjesin e kësaj të enjte në Tiranë, ku si pasojë e një konflikti në familje, një 59-vjeçar ka vrarë bashkëjetuesen dhe motrën e saj.
