Fansat e Dua Lipës janë të emocionuar pasi këngëtarja ka njoftuar publikimin e këngës së re të titulluar, “We’re Good”.
Projekti i ri i Dua Lipës do të publikohet javën e ardhshme. Muaji shkurt rezulton të jetë me fat për këngëtaren shqiptare pasi “Levitating” me DaBaby arriti të renditet e pesta në “Hot 100 Chart” të Billboard.
Në një postim të publikuar në Twitter, artistja shqiptare shpërndau foton e kopertinës dhe shkroi, “We’re Good – 11 shkurt”.
Së fundmi Dua ka marrë edhe një çmim të rëndësishëm në “Brit Awards”, atë të “Gold Single”
Dua Lipa vijon të kryesojë në top listat e këngëve më të dëgjuara, duke premtuar kështu të njëjtin sukses edhe në vitin e ri që sapo ka nisur.
Së fundmi, radioja “IHeart” ka publikuar një listë me këngët më të dëgjuara. Brenda kësaj liste është edhe këngëtarja shqiptare, Dua Lipa me 1 miliard dëgjime për këngën “Break My Heart”.
Kjo këngë është pjesë e albumit “Future Nostalgia”, i cili u publikua më 27 mars 2020, kohë gjatë së cilës mbarë bota ishte në karantinë.
