Prokurorët do të votojnë ditën e sotme për të zgjedhur dy anëtarë të KLP për vendet që kanë mbetur bosh që prej marsit.
Asambleja e përgjithshme u thirr nga prokurori i përgjithshëm Olsian Çela dhe për shkak të masave anticovid votimi do kryhet online.
Kandidatët nuk kanë mbajtur fjalim por e kanë zhvilluar online. Deri tani votimet janë kryer nga Dibra, Pogradeci, Gjirokastra, ndërsa prokuroritë që do të drejtohen të fundit janë ato të SPAK në Tiranë si dhe në Prokurorinë e Përgjithshme.
Në total, janë regjistruar 273 prokurorë që prej mëngjesit të sotëm për të kryer votimet. Ndërsa në garë për dy vendet vakante janë pesë kandidatë. Ndonëse është një garë e ashpër, Moisi Duda do e ketë më të lehtë për të zënë vend si prokuror në Prokurorinë e Apelit të Durrësit pasi nuk ka konkurrentë
