Zgjedhjet 2021/ Vijon numërimi në Tiranë e Durrës

Procesi i numërimit të votave për zgjedhjet parlamentare 2021 ka përfunduar në 10 qarqe.

Partia Demokratike ka triumfuar në Shkodër, Lezhë, Dibër dhe Kukës, kurse PS në Elbasan, Korçë, Vlorë, Gjirokastër, Fier dhe Berat.

Vetëm në 2 qarqe vijon ende numërimi, në Tiranë dhe Durrës. Në qarkun e Durrësit kanë ngelur edhe 80 qendra votimi për t’u numëruar, ndërsa në Tiranë ka edhe 281 qendra që pritet të japin rezultatin.

Procesi i numërimit ka vijuar i qetë, përveç një incidenti të ndodhur një ditë me parë në shkollën “1 Maji” në Tiranë, ku policia shoqëroi 8 persona.

Në të gjithë vendin, deri më tani PS kryeson me 696,355 vota, e pasuar nga PD-AN me 562,921, LSI deri më tani ka marrë 98,497 vota, kurse PSD 32,445 vota.

PS ka 74 mandate, ndërsa PD 59 mandate, LSI 4 dhe PSD 3 mandate. Nga 5198 qendra votimi deri më tani janë numëruar 4824.

Deri më tani nga votat e numëruara kanë rezultuar 75235 të pavlefshme.

 

Durrës deri me tani:

PS  63,522 vota – 8 mandate

PD 52,925 vota – 6 mandate

LSI 7,916 vota

Nisma Thurje 576 vota

Tiranë deri me tani:

PS 172,924 vota – 18 mandate

PD 137,293 vota – 15 mandate

LSI 20,964 vota – 2 mandate

PSD 10,234 vota – 1 mandate

 

 

Related Posts

Kategorite

BIoscalin