Aktualitet
30 banorë të helmuar, ndërpritet furnizimi me ujë në Bulqizë
Ujësjellësi ka ndërprerë furnizimin me ujë në fshatin Gjoricë të Bulqizës, pasi vetëm një ditë më parë (3 qershor 2023), 30 banorë u paraqitën në qendrën shëndetësore me simptoma helmimi. Burime bëjnë me dije se shkak i helmimit dyshohet të jetë uji i ndotur.
Nga analiza paraprake që është bërë, uji ka dalë i kontaminuar dhe për këtë arsye është marrë edhe masa për ndërprerjen e furnizimit me ujë deri në daljen e përgjigjes së analizave laboratorike.
Grupi Hetimor në bashkëpunim me Autoritetin Kombëtar të Ushqimit vijojnë hetimet.