Sport
Depay dërgon Atleticon në gjysmëfinalet e Kupës së Mbretit, madrilenët mposhtin Sevillan
Atletico Madrid është skuadra e katërt që plotëson panoramën e ekipeve gjysmëfinaliste të Kupës së Mbretit në Spanjë. Djemtë e Simeones mposhtën 1-0 Sevillan në Madrid, kjo falë golit të Depay në minutën e 79.
Duhej nuhatja e Simeones që në të 66 minutë do fuste në lojë Depay për Moratën, me holandezin që në të 79 minutë shënoi për 1-0. Goli i vetëm i ndeshjes dërgon madrilenët në gjysmëfinalet e Kupës së Mbretit.
Tanimë Athletic Bilbao, Atletico Madrid, Mallorca dhe Real Sociedad do jenë rivalë në shortin që do hidhet për këtë turne. Shorti i gjysmëfinaleve do të hidhet këtë të premte më 26 janar në orën 13:00. Këtë herë do të kemi ndeshje vajtje-ardhje. Ndeshjet e para do të luhen më 7 shkurt dhe të kthimit më 26 shkurt, teksa finalja e madhe do të jetë të shtunën më 6 prill në “La Cartuja” të Sevillas.
