Kosova
Kosovë – 14 viktima dhe 560 raste të reja me COVID-19
Instituti Kombëtar i Shëndetësisë Publike njofton se gjatë 24 orëve të fundit, 14 pacientë kanë vdekur nga koronavirusi dhe janë regjistruar 560 raste të reja me COVID-19, sëmundjen që e shkakton ky virus.
“Rastet e vdekjes janë nga komunat: Prishtinë 6 raste (75, 74, 68, 66, 61, 48 vjeç), Ferizaj 2 raste (71, 62 vjeç), Gjakovë 2 raste (76, 60 vjeç), Pejë 2 raste (71, 72 vjeç), Gjilan 1 rast (56 vjeç), Istog 1 rast (64 vjeç)”, thuhet në raportin e IKSHPK-së.
Numri i rasteve të reja del pas testimit të 1.620 mostrave.
Gjatë 24 orëve të fundit, sipas IKSHPK-së, janë shëruar 678 pacientë.
Sipas të dhënave të fundit, në Kosovë, që prej paraqitjes së pandemisë në muajin mars, e deri më 5 dhjetor janë regjistruar 42.377 raste me koronavirus.
Prej tyre, 678 pacientë kanë vdekur dhe 27.821 janë shëruar.
Raste aktive janë 13.469.