Sport
Lajm i mirë për Allegrin, Pogba gati
Paul Pogba tani ka munguar për më shumë se dy muaj pasi pësoi një dëmtim të meniskut kur Juventus ishte në turne në Shtetet e Bashkuara.
Sipas asaj që raportohet nga Tuttosport, synimi është që të thërrasë Paul për Juve-Empoli më 21 tetor dhe më pas ta ketë në dispozicion për Benfica-Juve më 25 tetor
Nëse do të ishte vërtet kështu, do të ishte një rikthim shumë më i hershëm se sa pritej për Pogba. Në ditët pas vendimit të tij për t’iu nënshtruar një operacioni, u fol për një rikthim në fushë në vitin 2023.
“Më pëlqen t’i përballoj sfidat e futbollit dhe jetës, të bukura ose jo, me pozitivitet dhe gjithmonë me buzëqeshje. Çdo ditë po punoj shumë që të kthehem shpejt. Më pëlqen futbolli dhe dua të luaj sërish”.
Prandaj, dy javët e ardhshme do të jenë vendimtare për të kuptuar nëse francezi do të jetë në gjendje të rikthehet në kapacitetin e plotë tashmë para nëntorit.