Me ferma kanabisi, dënohen me burg kushërinjtë shqiptarë

Dy kushërinj shqiptarë janë burgosur pasi kanë pranuar se kanë prodhuar kanabis me vlerë dhjetëra mijëra paund në dy prona në Plymouth. Kushërinjtë Fatmir Kurmekaj, 34 vjeç, nga High Wycombe dhe Fatjon Kurmekaj, 36 vjeç, nga The Crescent, Plymouth, u paraqitën sot në Gjykatën e Plymouth Crown ku u dënuan për një sërë veprash, duke përfshirë drejtimin e automjetit pa sigurim, ndërsa Fatmiri nuk kishte as leje drejtimi.

Gjykatësi Robert Linford tha se ata u ndaluan nga policia teksa po shkonin drejt Plymouth më 26 gusht 2021. Në një seancë të mëparshme, gjykatës iu tha se në secilën nga dy pronat oficerët gjetën kanabis dhe persona që ruanin parcelat.

Emigranti shqiptar Teslim Muhmutag, i gjetur në pronën e Kingsley Road u burgos më vonë për shtatë muaj në Truro Crown Court. Adrian Kurmekaj, i cili u gjet në shtrat, u dënua me 30 muaj burg.

Gjykatësi Linford u kujtoi Kurmekajt se vlerësimet e policisë sugjeronin se këto operacione mund të kthenin fitime “në dhjetëra mijëra paund”. Kontaktet telefonike të hetuara nga policia treguan se dyshja kishin qenë në kontakt me njëri-tjetrin si dhe me persona të tjerë të përfshirë në operacion.

Gjykatësi Linford tha: “Thuhet se ka pasur dikush tjetër shumë më të përfshirë se ju të dy dhe oficeri në çështje ka dhënë prova që identifikon se kishte një person misterioz në posedim të një telefoni celular që kishte kontakte të rënda me ju dhe të tjerët, të përfshirë në këtë ndërmarrje”.

Gjyqtari Linford vuri në dukje se ndërsa Fatmiri nuk kishte asnjë dënim të mëparshëm, Fatjoni kishte një dënim për posedim me qëllim të furnizimit me kokainë në vitin 2015 për të cilin u dënua me 30 muaj burg dhe një dënim për posedim me qëllim furnizim me kanabis në 2017 për të cilin mori një dënim me 16 muaj burg.

Gjyqtari më pas ofroi vëzhgime mbi statusin aktual të rezidentit të Fatmirit, duke vënë në dukje se ai kishte marrë të drejtën e qëndrimit të përhershëm.