Aktualitet
Sherri i dhunshëm me kosore dhe sëpatë, dy familjet nga Puka përplasen ‘live’
Dy familje që u bënë pak ditë më parë protagonistë të një sherri të dhunshëm, që bëri xhiron e rrjetit, janë përballur sot në emisionin ‘Me zemër të hapur’ Kujtojmë se nga sherri i dhunshëm, me hunj, kosore dhe sëpatë, ngelën të plagosur Florin Zefi, Bardhe Zefi dhe Kol Marku (ky i fundit përfundoi në spital).
Në një lidhje telefonike për emisionin gruaja e Kol Markut tha se ata që sulmuan ishin familja Marku, persona që bënë edhe filmimet. “Kur kam dalë në oborr i kam parë aty. Thirra; o Klodian. E kemi gjetur burrin të shtrirë, të plagosur për vdekje. Ua kemi marrë shkopinjtë, ata më kanë bërë mua foto dhe djalit. Videot i bënë ata. Zonja në fjalë që ka bërë videot, pyete. Kur kam parë burrin të shtrirë përtokë gati të vdekur, s’di ça është bërë. S’kam pasur kohë për të bërë video.”, tha ajo.
Po si lindi sherri mes dy familjeve? Në një tjetër lidhje telefonike për emisionin, nusja e familjes Marku tha se sherri nisi për një rrugë. Sipas saj, Kolë Marku dhe djali i tij i kanë sulmuar me shkopin dhe kosore.
“Isha duke u kthyer nga puna. Nuk kishim asgjë gjë me atë familje. Ata na kanë dalë ne para, jo ne atyre. Ne kemi qenë duke ardhur në shtëpi. Ata u organizuan dhe na dolën para. Na vjen shumë keq. Nuk kemi pasur asgjë në dorë, vetëm duart tona kemi pasur. Pala tjetër ka pasur armë të ftohta. Ata na kanë dalë para. Ai burrë u bë ashtu përmes djalit të vetë. E ka qëlluar djali i vetë. I ka shkuar një herë burrit tim dhe në befasi është larguar burri im, është vetëmbrojtur dhe goditje ka marrë babai i djalit. Në makinë nuk ka pasur asnjë. Jam edhe unë e dëmtuar, kam shenja në trup. Atë e di zotëria me gjithë djalin e vetë. Nuk e di se pse më dolën para. Ne nuk kemi pasur konflikt me të. Ka qenë burri im me vjehrrën që kanë qenë në makinë para meje. Kanë pasur makinën tjetër. Aty ka qenë një shtyllë dritash se na u dëmtua e para. Kishte shkuar ta merrte dhe e ka lidhur pas makine atë shtyllë. Sipër shtëpisë u këput kabllo. Doli kryefamiljari në rrugë dhe i tha burrit tim; o Flor po ma prish këtë rrugë. I tha; po e prisha ta ndreq unë. Kaq i tha. Vetëm për atë çështje. Nuk kemi pasur asnjë lloj sherri, ne shihnim punën tonë. Ne nuk kemi folur kurrë. Se duke i njohur si persona, jemi shmangur. Zoti Kol i ka rënë burrit tim, i ka futur grykët në fut me e mbyt. Zonja që ka shkopin në dorë më tha; fshije videon dhe bëje provë që të njoftosh policinë. Ka tentuar që të më marrë telefonin. Po të mos e njoftoja policinë, ato do të bënin më keq”, tha ajo.
Ndërkohë, zonja e familjes tjetër mohoi këto akuza. Nuk është e vërtetë ajo që thotë zonja. Ajo duhet ta dorëzojë telefonin në prokurori”, tha ajo.
Aktualitet
Dita e Drejtësisë/ Sokol Sadushi: S’kemi ambiente e gjyqtarë, dosjet ‘stivë’! S’duam lëmosh
Në Ditën e Drejtësisë, Kryetari i Gjykatës së Lartë, Sokol Sadushi ka evidentuar problematikat me të cilat përballet sistemi gjyqësor në vendin tonë. Në një takim me gjyqtarë, Sadushi vuri theksin te mungesa e burimeve njerëzore në sistemin gjyqësor, si edhe financiare, ndonëse thotë se ka një përmirësim të ndjeshëm. Sadushi thotë se kjo situatë është kritike në të gjitha gjykatat e vendit.
“Megjithëse Gjykata e Lartë ka një përmirësim të ndjeshëm të situatës post-reformë, falë punës dhe angazhimit maksimal të gjyqtarëve dhe stafit administrativ, por edhe Këshillit të Lartë Gjyqësor që ka plotësuar numrin e gjyqtarëve, ajo vijon të ketë pamjaftueshmëri të burimeve njerëzore, materiale dhe financiare. Në fakt, kjo është situata në të gjitha gjykatat e Republikës, që do ta konsideroja problematike, në mos edhe kritike”, tha Sadushi.
Përgjegjësinë për këtë situatë Sadushi nuk ia ‘faturon’ vetëm ekzekutivit dhe legjislativit, por sipas tij rëndon edhe mbi pushtetin gjyqësor të cilët duhet të kërkojnë prej tyre përmbushjen e detyrimeve kushtetuese e ligjore.
“Përgjegjësia rëndon mbi të gjithë Ne gjyqtarët e Republikës, ashtu, si edhe mbi Këshillin e Lartë Gjyqësor, që nëpërmjet reagimit institucional dhe legjitimitetit të vendimmarrjes duhet t´i dëshmojmë ekzekutivit dhe legjislativit se sistemi i drejtësisë nuk zgjat dorën për lëmoshë, por kërkon prej tyre përmbushjen e detyrimeve kushtetuese e ligjore, në funksion të parimeve dhe vlerave, mbi të cilat vepron një shtet i së drejtës”, u shpreh Sadushi.
Kryetari i Gjykatës së Lartë thotë se gjyqtarët po përballen dosjet që po rriten në mënyrë drastike.
Kjo e bën të domosdoshme nevojën e gjykatave për mirëmenaxhim, që nuk mund t’ia japin gjyqtarët e mbingarkuar me një vëllim çështjesh në rritje drastike. Ne kemi nevojë për një trupë administratorësh të aftë për të menaxhuar dhe drejtuar, në mënyrë që gjyqtarët të përqendrohen në detyrën parësore, të gjykuarit. Gjykatat nuk mund të kryejnë siç duhet misionin e tyre, nëse struktura, qeverisja, vizioni strategjik, programet dhe veprimet që ndërmerren, nuk krijojnë një perceptim të merituar në publik se gjyqësor është i përgjegjshëm.
Aktualitet
“Kryeministri s’do gjejë mbështetje tek diaspora”/ Burimi: Nuk mund t’i tregohen dhëmbët Greqisë
Analisti Genc Burimi deklaroi se kryeministri i Shqipërisë Edi Rama nuk do të gjejë mbështetje tek diaspora.
Burimi tha se Rama nuk ka bërë asgjë për emigrantët. Sipas tij, nuk mund t’i tregohen dhëmbët Greqisë, pasi ky do të ishte një gabim i madh diplomatik.
“Edi Rama nuk do gjejë mbështetje tek diaspora, nuk ka bërë asgjë për emigrantët. Rama dëshiron t’i tregojë dhëmbët Greqisë, por kjo mund të ketë pasoja. Në raport me Greqinë, nuk besoj se Shqipëria ka fuqi. Shqipëria ndoshta mund t’i tregojë dhëmbët Brukselit sesa Greqisë. Pasi Serbia prsh e bën këtë, duke qenë afër Rusisë dhe Kinës, mund t’ja tregojë dhëmbët Brukselit”, tha Burimi.
Më tej, Burimi vlerësoi se mazhoranca ka nisur që të lëkundet, që kur Bardhi shkoi nga grupi i Bardhit tek ai i Berishës.
“Mazhoranca ka nisur të lëkundet kur Bardhi shkoi nga grupi i Bardhit tek ai i Berishës. Kjo sepse me këtë lëvizje bie narrativa e mazhorancës ndaj Berishës. Gazment Bardhi është një politikan që thotë se kam besim tek SPAK-u. Mjafton kaq, sepse mbrapa janë ndërkombëtarët. Karta e ndërkombëtarëve ndaj opozitës ka ndryshuar. Shqipëria sot ka një korrupsion të paparë. Opozita ka fituar pikë me ardhjen e Bardhit. Dumani i jep përgjigje Bardhit e nuk i jepte Kryemadhit, Këlliçit. Bardhi nuk trembet sepse nuk ka dosje. Bardhi i kap shah mat SPAK-un dhe ndërkombëtarët”, deklaroi Burimi.
Aktualitet
Grabitet çifti italian në Vlorë, autorët thyejnë xhamin e ‘Audit’ dhe marrin 2500€
Një ngjarje e paprecedentë ka ndodhur mesditën e kësaj të premteje në Vlorë.
Një çift italian kanë parkuar mjetin e tyre në zonën e Lungomares dhe kanë shkuar të drekojnë në një nga restorantet e zonës.
Në këtë kohë persona të paidentifikuar pasi thyejnë xhamat e makinës, jo nga ana e rrugës,kanë grabitur shumën e parave në çantën që ishte në makinë,në shifrën 2500 euro.
Blutë e Vlorës kanë mbërritur në vendngjarje, për të mbledhur dëshmitë dhe provat materiale.
Mësohet se grabitësit kanë vjedhur dhe gjithë dokumentacionin dhe sendet me vlerë që gjetën në makinë.
Aktualitet
Policia i gjeti në spital pas sherrit me farmacisten/ Çfarë pa shoqja e dy viktimave në dhomë
Antonina Kozachenko dhe Anastasia Lopukhova, 25 dhe 40 vjeç janë shtetaset ukrainase që u gjetën pa shenja jete sot në mesditë në një banesë në Tiranë, pranë zonës së “Selvisë”. Shkak për vdekjen e tyre mendohet të jetë mbidoza nga ilaçet qetësuese dhe antidepresantë.
Kozachenko dhe Lopukhova ishin konfliktuar dy ditë më parë me një farmaciste në rrugën “Muhamet Gjollesha” ku kishin hyrë për të blerë medikamentet Tramadol dhe Xanax. Farmacistja ka refuzuar t’iu japë ilaçet në mungesë të recetës së mjekut por kjo ka bërë që ukrainaset të revoltohen dhe janë përplasur fizikisht me të
Ato e kanë kafshuar farmacisten në krah, ndërsa menjëherë pas ngjarjes, farmacistja mësohet se ka bërë denoncim në polici.
Efektivët i kanë gjetur dy gratë ukrainase në një spital nga Tiranë dhe më pas i ka shoqëruar në komisariat. Pas marrjes në pyetje ato janë të lërë të lira.
Mirëpo, dy ditë më pas, shoqja e tyre e dhomës i ka gjetur me hemorragji nga goja dhe pa shenja jete.
Aktualitet
Mori 330 mijë lekë për tenderin, Apeli lë në fuqi 2.8 vite burg për ish-sekretaren e ministrisë së Shëndetësisë Joana Duro
Apeli i GJKKO ka lënë në fuqi dënimin me 2 vite e 8 muaj burg për ish-sekretaren e ministrisë së Shëndetësisë, Joana Duro, nën akuzë për korrupsion lidhur me një procedurë tenderimi për supervizimin për rikonstruksionin e qendrave shëndetësore në Tiranë dhe Durrës.
Apeli ka lënë në fuqi edhe dënimin me 8 muaj burg për biznesmenin Vladimir Topi dhe inxhinierin Sivli Shehu.
-
Pinknews5 hours ago
E frikshme/ Kristi Aliaj pikturon Kiara Titon shtatzënë, pamjet shokojnë rrjetin
-
Pinknews24 hours ago
‘O zot të lutem…’/ Akuzoi për ngacmim seksual Meritonin dhe Julin, Ilnisa sulmon Eglën
-
Pinknews23 hours ago
E papritur/ Dijonis Biba largohet nga “Ferma VIP”
-
Kronike23 hours ago
Arrestohen 8 shitës të kokainës në Itali, mes tyre 3 shqiptarë (EMRAT)
-
Aktualitet3 hours ago
Policia i gjeti në spital pas sherrit me farmacisten/ Çfarë pa shoqja e dy viktimave në dhomë
-
Kosova7 hours ago
Caktohen tre lojtarët që kanë fatin e Kosovës në dorë
-
Kronike5 hours ago
E rëndë në Tiranë/ Gjenden të vdekura dy ukrainase, dyshimet e para
-
Horoskopi14 hours ago
Nese nuk fiksoheni shume pas defekteve dhe te metave te partnerit tuaj, kjo dite do jete shume e kendshme per t’u jetuar