Sot, industria mjekësore po përballet me shumë sfida: ndryshimet demografike të tilla si plakja e popullsisë në shumë vende, dispoonueshmëria e kufizuar e doktorëve në zonat rurale, dhoma të mbipopulluara pritjeje, rritja e shpenzimeve mjekësore dhe kërkesa e pacientëve për shërbime më të përshtatshme ndaj nevojave të tyre.

Një prej tyre është edhe Teleshëndetësia, e cila ofron shumë avantazhe si për pacientët ashtu edhe për punonjësit e shëndetësisë.

Pikërisht këtë shërbim novator e solli për herë të parë kompania e sigurimeve SIGAL UNIQA Group Austria. Ky shërbim ka ardhur duke u pasuruar me sa më shumë shërbime muaj pas muaji duke qenë kështu më pranë klientëve, brenda e jashtë vendit.

Ky shërbim inovativ i kompanisë i mundëson pacientëve që të ndihmojnë vetveten me shërbimet për të cilat ata kanë nevojë, direkt nga celulari, kudo që ndodhen, nga dhoma e tyre e ndenjes apo zyra në vend të pritjes pas dyerve të doktorëve apo spitaleve, duke ofruar shërbime përkujdesi 24 orë në ditë, 7 ditë të javës.

“Ofrimi i takimeve virtuale u shfaq veçanërisht si një domosdoshmëri edhe më e madhe gjatë pandemisë COVID-19. Teknologjia e përmirësuar e ka bërë marrjen e kujdesit shëndetësor më të lehtë, madje edhe për ata të cilët nuk janë edhe aq të dhënë pas teknologjisë apo kompjuterit. Kjo shmang rradhët e gjata nëpër klinika apo spitale ndërsa ju kursen qytetarëve kohë dhe para.

SIGAL UNIQA ishte kompania e parë që solli në Shqipëri shërbimin “TeleShëndet”, ndërsa sot, mijëra klientë të saj, nëpërmjet aplikacionit në celular mund të:

• Këshillohen me një mjek të liçensuar 24 orë të ditës në 7 ditë të javës

• Mund të shkarkojnë kartelën e tyre mjekësore

• Mund të marrin një recetë mjekësore online

• Në rast kur mjekët rekomandojnë një medikament ata mund të lëshojnë një recetë elektronike e cila njihet nga çdo farmaci.

• Gjithashtu ata mund të kryejnë Check up, 1 herë në vit

• Vizitë okulisti falas

• Xhama syzesh me zbritje

• Vizitë Dentisti falas dhe higjenizim me zbritje 60%

Ndërsa përfitojnë edhe zbritje në shërbimet që marrin në klinikat dhe spitalet më të mira në vend”, shprehet Edison Gjoni, menaxher i “TeleShëndet” pranë SIGAL UNIQA Group Austria.

Edhe pse pak vite në treg, numri i qytetarëve që përdorin tashmë shërbimin “TeleShëndet” ka ardhur gjithmonë në rritje, ashtu si edhe benefitet që ofron ai.

Gëzim Latifi, menaxher në profesion, është një prej klientëve që përdor “TeleShëndet” dhe është mjaft i kënaqur.

“Ishin orët e vona të mbrëmjes. Kisha dhimbje të forta stomaku por nuk kisha mundësi të shkoja në spital. Si klient i vjetër i SIGAL UNIQA kam shërbimin Teleshëndet. Mora menjëherë doktoreshën. Ajo me erdhi në ndihme me keshillat dhe recetën e ilaceve dhe sot jam shumë më mirë. Do ja këshilloja çdo shqiptari që ta kishte një TeleShëndet në shtëpi pasi është diçka e mrekullueshme të kesh mjekun në xhep…”, shprehet klienti.

Por “TeleShëndet” është një ndihmës i madh edhe për prindërit.

Ulja e temperaturave në vend është shoqëruar me një numër të lartë fëmijësh të prekur nga virozat, ndërsa në spitale dhe klinika ka fluks të lartë vizitiash te pediatri.

Fëmijët janë gjithçka për prindërit ndaj dhe shëndeti i tyre është prioritet mbi prioritetet. Por për çdo problem shëndetësor që mund të ketë fëmija juaj ju mund ti drejtoheni mjekëve të “TeleShëndet”, me audio ose video, dhe të merrni prej tyre këshilla profesionale pa qenë nevoja të shkoni në spital.

Shkarkoni tani aplikacionin “Teleshëndet” në celularin tuaj, iPhone ose Android, regjistrohuni në pak minuta dhe provoni falas për 24 orë këtë shërbim të mjekësisë moderne të sjellë nga SIGAL UNIQA.

Nëse mbeteni të kënaqur, mund ta blini ONLINE në www.teleshendet.al 

Jeta është e mbushur me surpriza ndaj të kesh mjekun kudo dhe kurdo me vete është një privilegj i madh…

SIGAL UNIQA Group Austria, Jetojmë më mirë së bashku…

https://www.youtube.com/watch?v=ZuFldls6OcU 

Për më shumë informacione:

Web: www.teleshendet.al 

E-mail: [email protected]    

WhatsApp: 068 606 2829

Sektori i ndërtimit ka njohur rritje të fortë vitet e fundit, pas rënies ciklike që kishte nisur nga 2008, duke arritur një rekord të ri në vitin 2021.

Pas kësaj periudhe, ky sektor hyri në një cikël maturimi dhe rënieje, duke reflektuar ngopjen e tregut dhe orientimin e bizneseve drejt sektorëve të tjerë. Në vitin 2013, ndërtimi arriti në nivelin më të ulët që prej 2005-s.

Por, pas vitit 2013, ndërtimi iu kthye sërish rritjes i nxitur si nga projektet e infrastrukturës ashtu dhe nga rikthimi i vrullit të projekteve rezidenciale, sidomos në kryeqytet, për të arritur një rekord të ri në 2021-n.

Kjo tendencë pritet të vijojë, bazuar në sipërfaqen e lejeve të ndërtimit në 2021 dhe 6 mujorin e parë 2022. Sipas INSTAT, në vitin 2021, sipërfaqja e dhënë për leje ndërtimi në kryeqytet ishte 1.6 milionë metra katror, nivel rekord të paktën që nga viti 2010 kur raportohen të dhënat, nga të cilat gati 80% ishin për ndërtime rezidenciale.

Po sipas INSTAT, vetëm në 6-mujorin e parë 2022 u dha në kryeqytet gati 1.2 milionë m2 sipërfaqe leje ndërtimi, ose sa 75% e sipërfaqes së dhënë për gjithë vitin 2022 (shiko grafikun: Sipërfaqja e lejeve të ndërtimit dhënë në Tiranë, 6 M I).

Edhe sektori i pasurive të paluajtshme ka përshpejtuar ritmet e rritjes duke filluar nga 2018-a. Sipas INSTAT, PBB me çmime korente në aktivitetin e real estate arriti në 112 miliardë lekë (gati 1 miliard euro) në 2021-n, duke arritur nivelin m ët ëlartë historik të pas tranzicionit.

Pak ditë më parë, Fondi Monetar Ndërkombëtar (FMN), në deklaratën e fundit për Shqipërinë, ka këshilluar që të tregohet kujdes për ndikimin që mund të ketë vrulli i ndërtimeve dhe zgjerimi i tregut të pasurive të paluajtshme në stabilitetin e sektorit financiar.

“Ne bëjmë thirrje për monitorim nga afër dhe menaxhim të rreziqeve të mundshme nga rritja e lartë e kreditimit gjatë viteve të fundit, përfshirë huadhënien e rritur në monedhë të huaj.

Në këtë kuadër, mirëpresim përpjekjet e BSH për të adresuar mungesën e konsiderueshme të të dhënave mbi tregun e pasurive të paluajtshme dhe ndërtimin, si dhe bëjmë thirrje për mbikëqyrje të shtuar të ndikimit të këtij sektori mbi stabilitetin financiar”, thuhet në deklaratën zyrtare.

PBB-së me çmime korrente- INSTAT: “Të gjitha transaksionet ekonomike janë rezultat i llogaritjes së sasive të ndryshme të produkteve dhe çmimeve të prodhimit dhe shitjes. Duke mbledhur të gjitha transaksionet e caktuara merret vlera e përgjithshme për një periudhë të caktuar. Kur vlerat e dy periudhave të krahasohen, ato njëkohësisht do të reflektohen si në çmim ashtu dhe në sasi. Këto vlera shprehen me çmimet korrente”./ Monitor

Gjysmën e vitit, nga janari në mars dhe nga tetori në dhjetor shqiptarët pëlqejnë të pushojnë në Korçë. Nga prilli në qershor shkojnë në Durrës dhe nga korriku në shtator zgjedhin Vlorën.

Instituti i Statistikave ka publikuar të dhënat e anketës së turizmit në familje sipas së cilës vjet janë regjistruar 7,7% më shumë udhëtime në të gjithë Shqipërinë dhe jashtë saj, krahasuar me vitin 2020.

Rritja më e lartë është shënuar për udhëtimet për qëllime personale dhe biznesi jashtë vendit. Ata që kanë udhëtuar më shumë vjet janë moshat nga 25 në 34 vjeç ndërsa shtetet ku kanë shkuar më tepër janë Mali i Zi, Kosova, Maqedonia e Veriut, Turqia dhe Greqia.

Ndryshe nga udhëtimet brenda vendit ato jashtë Shqipërisë zgjasin më shumë se katër ditë.

Pushimi i kampionateve dhe mospjesëmarrja e të dyja kombëtareve në Botërorin e Katarit, sjell në Stadiumin “Air Albania” në Tiranë një ndeshje miqësore të shumëpritur për tifozët shqiptarë. Shqipëri-Itali do të mbushë shkallët e stadiumit kombëtar më 16 nëntor, ndërsa miliona të tjerë do ta ndjekin përmes televizionit. Në historinë e Kombëtares Shqiptare, kjo do të jetë miqësorja e dytë me 4 herët Kampionët e Botës pas asaj të vitit 2014, kur Shqipëria u mposht 1- 0 në minutën e 82-të me golin e Stefano Okaka. Por jo vetëm kjo miqësore, pasi me Kombëtaren “Axurre” Kuqezinjtë kanë luajtur edhe dy sfida të tjera, të vlefshme për kualifikueset e Botërorit “Rusi 2018”, ku u shortuam në grup. Këto dy takime kanë përfunduar me fitoren e “Axurrëve”, 2-0 në Itali dhe 0-1 në “Loro Boriçi” në Shkodër në vitin 2017.

SIGAL UNIQA Group Austria, sponsor zyrtar i Kombëtares Shqiptare, vjen me një mundësi të artë për të gjithë tifozët që këtë super-ndeshje duan ta ndjekin LIVE nga shkallët e “Air Albania Stadium”.

Kushdo që blen Online një prej paketave “Teleshëndet” ose Sigurimin e Pronës, fiton 2 bileta FALAS për ndeshjen Shqipëri-Itali.

Shqipëri-Itali luhet më 16 Nëntor, ora 20:45. Mos e humbisni shansin të shijoni këtë super-përballje nga tribunat e “Air Albania Stadium”.  Por ndërkohë të keni siguruar pronën tuaj apo të keni mjekun 24 orë me vete falë “TeleShëndet”.

SIGAL UNIQA Group Austria, Jetojmë më mirë së bashku

Për çdo pyetje, kontaktoni në:

WhatsApp: 068 606 2829 

E-mail: [email protected] 

Investitori që do të zhvillojë projektin e “Durrës Yachts & Marina” do të përjashtohet nga pagesa e taksës së infrastrukturës dhe ajo e strehimit social.

Në një vendim të Komitetit të Investimeve Strategjike të miratuar pak ditë më parë, ku është bërë kalimi i masave mbështetëse te kompania e përbashkët, që do të krijohet nga investitori dhe shteti shqiptar, nënvizohet edhe kjo pikë.

Taksa e ndikimit në infrastrukturë llogaritet për Durrësin në 4 për qind (të vlerës së shitjes së një m² ndërkohë që fondi që kalon për strehimin social është 3 për qind e sipërfaqes së ndërtimit. Vlera që nuk do të paguhet në taksa do të jetë pjesa e kontributit të shtetit shqiptar në investim.

“Duke pasur parasysh nevojën dhe rëndësinë e zbatimit të këtij projekti, propozohet që projektligji me të cilën kjo marrëveshje do të miratohet në Kuvend, të miratohet me procedurë të përshpejtuar si dhe në përmbajtje të përfshijë regjimet e posaçme të realizimit të tij, e posaçërisht e pa u kufizuar në:

– Shoqëria e përbashkët për realizimin e projektit “Marina dhe Jahtet e Durrësit” të përjashtohet nga detyrimi për të paguar taksën e ndikimit në infrastrukturë për ndërtimet e reja dhe kontributin e strehimit social, në kushtet që vlera e detyrimit të përjashtuar është pjesë e kontributit të shtetit shqiptar në investim, sipas marrëveshjes së përcaktuar në pikën 2 të këtij vendimi.

– Dhënia e lejeve, licencave dhe akteve të tjera administrative të nevojshme për realizimin e projektit e Investimit Strategjik “Marina & Jahtet e Durrësit”, të bëhet sipas legjislacionit në fuqi, por në çdo rast brenda një afati prej 150 ditësh.

– Pronat e paluajtshme shtetërore, të transferuara në Fondin e Pasurive të Paluajtshme për Mbështetjen e Investimeve Strategjike, për zhvillimin dhe realizimin e projektit investues strategjik “Marina dhe jahtet e Durrësit (Durrës Yachts & Marina)”, me Vendim të Këshillit të Ministrave t’i kalojnë në pronësi shoqërisë “Albanian Seaports Development Company” SHA” thuhet në vendim.

Sipas vendimit “Albanian Seaports Development Company” SHA që përfaqëson interesat e shtetit shqiptar do të jetë mbajtëse e 33 për qind të aksioneve ndërkohë që pala private do të mbajë 67 për qind të tij.

Po kështu nënvizohet se projekti i konceptuar si një projekt i integruar turistik do të bashkë-zhvillohet në një sipërfaqe trualli prej 812 600 m2 (tetëqind e dymbëdhjetë mijë e gjashtëqind metra katrorë) në Portin e Durrësit si dhe në marinën e portit (“Territori i Projektit”) sipas parashikimit të VKM Nr. 861, datë 29.12.2021, i ndryshuar.

“Projekti do të zhvillohet në dy faza relativisht të ndara nga njëra-tjetra në hapësirë dhe në kohë, por që do të jenë të integruara në përfundim të Projektit.

Buxheti/kostoja e investimit të projektit është parashikuar të jetë €2,081,347,054 (dy miliardë e tetëdhjetë e një milion e treqind e dyzetë e shtatë mijë e pesëdhjetë e katër Euro). Investimi total në Fazën 1 vlerësohet të jetë €595,256,904 dhe për Fazën 2, €1,486,090,150 përfshirë dhe taksat” thuhet në vendim.

Qeveria miraton marrëveshjen

Javën e shkuar qeveria miratoi marrëveshjen mes palës shqiptare dhe investitorit për projektin e Ballinës Ujore të Durrësit. Ministrja e Infrastrukturës dhe Energjisë Belinda Balluku tha se pavarësisht investimit në kohë nga pala private aksionet e shtetit shqiptar do të mbeten të njëjta.

“Qeveria miratoi marrëveshjen kuadër mes qeverisë shqiptare, Eagle Hills Real Estate Development dhe Albanian Seaports Development Company. E gjithë kjo është një marrëveshje kuadër që lidhet me ndërtimin e Ballinës Ujore në Portin e Durrësit si dhe Portin e jahteve.

Forma e bashkëpunimit të shtetit në këtë marrëveshje u miratua përmes pjesëmarrjes së shtetit në një shoqëri të përbashkët me investitorin privat. Kjo shoqëri e krijuar nga privati dhe publiku do të zhvillojë projektin dhe do të përfitojë prej tij duke qenë mbajtësi i masave mbështetëse.

Për herë të parë Republika e Shqipërisë  është mbajtëse e aksioneve  sa i takon një projekti kaq të madh,  2 miliard euro investim. Parashikohet në mënyrë direkt dhe indirekt punësimi i 12 mijë personave. Ky projekt e vendos Shqipërinë në hartën ndërkombëtare të turizmit,.

Kjo projektmarrëveshje reflekton të qartë të drejtat dhe detyrimet e secilës palë pjesëmarrëse në këtë projekt.

Duhet të themi që marrëveshja do të kalojë në parlament pasi të kalojë në komisione. Pjesëmarrja shtetërore propozohet në nivele të tilla që nuk shuajnë ose reduktojnë ndjeshëm riskun operacional të investitorit.

Pavarësisht veprimeve të aksionerit privat pra mund të shtojë kapitalin në vite kuota e aksionerit shtetëror nuk do të ndryshojë. Bregdeti deti përkatës dhe brigjet mbeten prona shtetërore të patjetërsueshme. Ato do ti nënshtrohen pastrimit ambiental” tha Balluku.

Projekti i Durrës Marina & Yachts

Në dhjetor 2020, një marrëveshje bashkëpunimi mes qeverisë shqiptare dhe Emirateve të Bashkuara kaloi në Kuvend për të marrë miratimin.

Në fokus të saj ishin tre pika: rizhvillimi i Portit të Durrësit, mundësitë e investimeve në industrinë e turizmit, të bujqësisë dhe të logjistikës në Vlorë, Sarandë dhe Ksamil dhe investimet në fushën e turizmit në zonën e Përmetit.

Viti 2021 do të niste me lajmet e bujshme sesi kompania më e madhe që transformoi Dubain, EMAAR, do të zbatonte projektin e Durrësit.

Delegacione të qeverisë në Dubai dhe anasjelltas nuk munguan, duke i dhënë zë projektit që do të zbatohet në Shqipëri, ashtu sikurse nuk munguan edhe daljet e Mohamed Alabbar, i njohur si themeluesi i “Emaar Properties”, e zhvilluesi i Burj Khalifa, Dubai Marina dhe Dubai Mall.

Teksa projekti, për vetë përmasat, vlerën e investimit por edhe akuzave që e kanë shoqëruar mbi kompaninë zbatuese, që nuk është drejtpërdrejt EMAAR, shihet disi me sy konservator, institucionet shqiptare këmbëngulin se ai do të bëhet realitet.