“Mund të shpresojmë se ajo që u nënshkrua nga liderët në takimin e dytë ministror do të vihet në praktikë, se lidhjet tregtare dhe të transportit të vendeve të rajonit do të përmirësohen, gjë që do të rezultojë në një rritje të nivelit të mirë- duke qenë për qytetarët”, tha në intervistë për Danas, Bozho Kovaçeviç, ish-ambasador kroat dhe analist i politikës së jashtme, për samitin që u mbajt së fundmi në Kotorr dhe ku morën pjesë liderët e vendeve të Ballkanit Perëndimor.

Sipas tij,gjithashtu nuk është realiste të pritet që Ukraina të pranohet në BE me ndonjë procedurë urgjente dhe perpara vendeve te Ballkanit.

“Eshtë fakt aktual që BE-ja nuk i ka zgjidhur problemet e veta të brendshme dhe vetëm pasi të zgjidhen ato probleme do të mund të dalë me një plan të qartë zgjerimi” – deklaroi Kovaceviç.

Duke folur për Rezolutën për gjenocidin në Srebrenicë, ai u shpreh se jemi dëshmitarë të “një situatë skizoide”.

“Përkrahësit e Rezolutës thanë qartë se ajo është një rezolutë për përkujtimin e Ditës së Përkujtimit të viktimave të gjenocidit në Srebrenicë dhe se ka fajtorë të përcaktuar nga drejtësia për atë gjenocid dhe se fajtori nuk është një komb. Nuk është e qartë pse liderët e Republikës së Serbisë dhe Republikës Srpska Milorad Dodik po pozojnë sikur rezoluta dënon të gjithë popullin serb” – theksoi Kovaceviç duke shtuar: – sjellja e tyre është e tillë që paraqiten si mbrojtës apo përfaqësues të kriminelëve të dënuar nga gjykata për gjenocid. Pse e bëjnë këtë? Për shkak se është në interesin e tyre të konsolidojnë pushtetin e tyre dhe u përshtatet të krijojnë përshtypjen se e gjithë bota është armik i serbëve”

Ai gjithashtu vuri një vijë ngjashmërie edhe me regjimin e Sllobodan Millosheviqit në dekadën e fundit të shekullit të 20-të.

“Partia Progresive Serbe shpreh keqardhje të thellë për vendimin e autoriteteve në Mal të Zi për të mbështetur Rezolutën për Srebrenicën , e cila është e drejtuar kundër interesave jetike kombëtare të popullit serb në tërësi. Ndryshe nga një numër vendesh evropiane që nuk do të votojnë për rezolutën, disa prej të cilave janë edhe anëtarë të BE-së dhe NATO-s, Qeveria e Malit të Zi ka vendosur, për një çështje kyçe të politikës së saj, kundër vullnetit të një pjese të madhe. të qytetarëve, që haptazi dhe publikisht të anashkalohet me ata që duan të krijojnë supozime për vendosjen e popullit serb në pozitë vartëse , që synojnë shfuqizimin e juridiksionit të Republikës Srpska dhe mbledhjen e reparacioneve të luftës, të cilat sigurisht nuk do të kalonin as nga Mali i Zi. – thuhet në deklaratën e ministrit të Punëve të Jashtme, Marko Gjuriq .

Siç tha ai më tej, vendimi është “i papërshtatshëm dhe fyes”, si dhe kundër pajtimit të serbëve dhe boshnjakëve.

“Duke respektuar plotësisht shtetësinë e Malit të Zi dhe veçanërisht kontributin shekullor të popullit dhe kishës serbe në këtë shtet, ne besojmë se është e papërshtatshme, madje ofenduese dhe sigurisht armiqësore që qeveria në Mal të Zi , pa konsultim me Serbinë, dhe me konsultim të drejtpërdrejtë paraprak me bashkë-sponzoruesit dhe autorët e rezolutës, vendosi të dilte me amendamente që nuk kishin për qëllim pajtimin e serbëve dhe boshnjakëve, siç pretendohet, por vetëm për të lehtësuar miratimin e saj. Prandaj presidenti Vuçic me të drejtë dhe arsye të plotë e ekspozoi këtë mashtrim të shëmtuar” – deklaroi Gjuuriç duke shtuar: – “Qeveria e Malit të Zi duhet të respektojë pavarësinë e Serbisë” pasi :nuk do të ketë asnjë përfitim nga kjo lloj politike dhe aq më pak respekt nga partnerët evropianë, shumë prej të cilëve gjeografikisht dhe kulturalisht janë dukshëm të ndryshëm, por që nuk do votojnë për këtë lloj rezolute”
“Do të ishte e udhës që Qeveria e Malit të Zi të fillojë të respektojë pavarësinë dhe shtetësinë e Serbisë dhe nëse nuk dëshiron të ndihmojë dhe dëshiron të jetë në anën e atyre që janë kundër Serbisë, të paktën ta lërë Serbinë të shpreh lirisht pikëpamjet për interesat jetike kombëtare dhe të mos hedhin kripë në plagën e popullit serb në kurriz të lajkave të qendrave të fuqive të huaja” – theksoi Gjuriç.

Shefja e grupit Parlamentar Mimoza Kusari -Lila në një prononcim për media ka thënë se pushteti ka “brenga serioze mbi atë se si mund të realizohet dhe në cfarë forme i dërgohet” draft -statuti i propozuar i Asociacionit Gjykatës Kushtetuese. Sipas saj, duhet gjetur një rrugë e ndërmjetme  “në të cilin duhet të ketë diçka nga ana e qeverisë, por në afate në të cilat duhet të merren garanci serioze, që deri tani s’ka pasur”.

“Jemi në rrethana të cilat asnjëherë -formë apo mënyrë -nuk duam që të krijojmë mekanizma që mund të sjellin dëmtim të brendshëm të rendit kushtetues në Kosovë, pavaresisht se na është thënë se ka garanci se asociacioni nuk ka kompetenca ekzekutive. Per draftin qe na është prezantuar nga BE, ne kemi dhënë komente, por ato nuk janë reflektuar si të tilla. Kemi brenga serioze mbi atë sesi mund të realizohet apo çfarë forme do i dërgohet Gjykatës Kushtetuese. Nuk mund t’i dërgohet si një draft i pranuar pa pasur një vendim të qeverisë. Qeveria nuk ka vendim për atë draft pasi s’pajtohet me atë në tërësinë si është dorëzuar. Prandaj duhet të ekzistojë një rrugë e ndërmjetme në të cilin duhet të ketë diçka nga ana e qeverisë, por në afate në të cilat duhet të merren garanci serioze, që deri tani s’ka pasur”, tha Kusari Lila.

Kryeministër i Serbisë, Millosh Vuçeviç, ka reaguar pasi janë mbyllur gjashtë degë të Bankës Postare të Kursimeve të Serbisë në Veri të Kosovës, për shkak të dyshimit se kanë zhvilluar veprimtari të kundërligjshme.

“I dëshpëruar për shkak të dështimit për t’u anëtarësuar në Këshillin e Evropës, Albin Kurti ka vendosur për një akt të ri egërsie që kërcënon drejtpërdrejt mbijetesën e popullit serb në Kosovë” – ka shkruar kryeministri serb në rrjetin e tij social Instagram duke shtruar pyetjet: – “Pse serbët e Kosovës janë komuniteti i vetëm në Evropë që nuk mund të bëjë biznes normalisht? A kanë serbët e Kosovës të drejtë në paga dhe pensione?”

“Këto nuk janë pyetje për ekstremistin Kurti. Ne e dimë qëndrimin e tij. Këto janë pyetje për komunitetin ndërkombëtar, i cili nuk reagon ndaj veprimeve të Kurtit për një kohë të gjatë” – ka theksuar Vucevic

Ndërkaq drejtori i të ashtuquajturës Zyrë për Kosovën në Qeverinë e Serbisë, Petar Petkoviç, ka thënë se vendosja e Policisë së Kosovës në degët e Bankës Postare të Kursimeve, është ‘një akt tjetër i dhunshëm i shfuqizimit të institucioneve serbe në veri dhe i dëbimit të popullit serb’.

Petkoviç shtoi se ”është e qartë se ”piromani ballkanas Albin Kurti” dëshiron luftë dhe vuajtje të popullit serb, sepse gjithçka që ka bërë në muajt e fundit, po e bën ekskluzivisht për hir të dëbimit të serbëve nga territori i Kosovës”.

Ai ka paralajmëruar gjithashtu se do të bisedojë me të dërguarin e BE-së për dialog, Miroslav Lajçak, dhe se do të ftojë edhe përfaqësuesit e QUINT-it dhe do t’i informojë të gjithë në skenën ndërkombëtare për paligjshmërinë dhe “terrorin e Kurtit”.

“Ky nuk është një veprim i ri në përshkallëzim. Është një sulm i dhunshëm ndaj vetë dialogut, sepse çështja e dinarit është bërë pjesë integrale e dialogut. Por Albin Kurti po e shkatërron atë” – ka potencuar Petkovic

Para disa ditësh shefat e shtetit e kryeministrat e vendeve të Ballkanit Perëndimor u mblodhën në Kotor të Malit të Zi. Nga gjashtë vende të këtij rajoni tri prej tyre u përfaqësuan nga kryeministra me kombësi shqiptare, Edi Rama kryeministër i Shqipërisë, Albin Kurti kryeministër i Kosovës, dhe Talat Xhaferi kryeministër i Maqedonisë së Veriut.

Por nga pamjet që u publikuan nga Kotori, ra në sy sjellja aspak e hijshme që Edi Rama kishte ndaj Albin Kurtit, gjë e cila u kritikua ashpër nga opinioni publik.

E në një prononcim profesori i marrëdhënieve ndërkombëtare, Enver Bytyçi, tha se Edi Rama edhe njëherë haptas shprehu mospajtimet që ka me Albin Kurtin.

“Kryeministri Rama dhe kryeministri Kurti u shfaqën dukshëm me qëndrime të kundërta dhe me marrëdhënie ftohtësie midis tyre. Një video virale tregoi se si zoti Rama e injoroi prezencën e Kurtit në samit. Ndërsa gjithë pjesëmarrësit e tjerë, përfshirë dhe ndihmës sekretarin e Shtetit Amerikan, O’Brien, ngrihen në respekt të kryeministrit të Kosovës dhe bisedojnë me të njerëzisht, Edi Rama i jep ulur dorën homologut të tij nga Kosova. Ishte injorim total. Ishte një ndjenjë dhe shenjë se Rama nuk pajtohet me Kurtin. Ishte një demonstrim pakënaqësie për qëndrimet e Kurtit në mbrojtje të Kosovës dhe sovranitetit të saj” – ka deklaruar Bytyci

Sipas tij, afrimiteti i Ramës me Vuçiçin ishte dukshëm ndryshe.

“Miqësor, në përqafim të përhershëm. Te kënaqur dhe madje entuziast të dy bashkë. Është e vërtetë se Kurti nuk i është përgjigjur sjelljeve dhe qëndrimeve të Edi Ramës për Kosovën. Ai ishte kundër të gjitha nismave Rama-Vuçic. Nuk është pajtuar me kërkesat e kryeministrit të Shqipërisë për të bërë kompromise për asociacionin. Kurti eshte trishtuar për deklaratën e Ramës se “Veriu i Kosovës është tokë e askujt”, menjëherë pas aktit terrorist të Banjskës më 24 shtator 2023” – ka kujtuar analisti politik.

Bytyçi madje tha se Albin Kurti ishte ai që i prishi planet e Vucicit me Ramën dhe se ky I fundit, sic u shpreh ai, “Ka vënë gjithë altoporlantët e medias së tij qe ta paraqesë kryeministrin Kurti si shkaktarin e “përçarjes” së shqiptarëve në Maqedoni. Por aty nuk kishte përçarje. Pjesa pro-Kosovës thjesht iu kundërvu pjesës pro Open Balkan-it serb. Kjo ishte e domosdoshme. Nëse bashkimi bëhet duke i hap rrugë hegjemonisë serbe në rajonin tonë, atëherë ky bashkim nuk është bashkim i shqiptarëve, por bashkimi i shqiptarëve me serbët kundër vetvetes! Këtë kërkon Edi Rama, per te cilin, nëse nuk ndodh kjo, atëherë kundërshtarët e tij konsiderohen përçarës”.