Armeni – Azerbajxhan/ Rinis lufta e 30 mijë viktimave

Rinis lufta e 30 mijë viktimave, Armeni – Azerbajxhanit, dhjetra të vdekur të tjerë

Tensionet mes Armenisë dhe Azerbajxhanit po rriten sërish pas përleshjeve të reja në të cilat u vranë rreth pesëdhjetë ushtarë armenë. Të dy vendet po përballen me mosmarrëveshjen e gjatë për kontrollin e rajonit të Nagorno-Karabakut. Sipas disa videove jozyrtare, trupat e Azerbajxhanit shihen duke kaluar kufirin.

Duke raportuar në Parlament, kryeministri armen tha se forcat e Azerbajxhanit bombarduan njësitë armene, dhe theksoi se vendi tani do t’i kërkojë zyrtarisht Rusisë ndihmë sipas një traktati midis dy shteteve.

Të dy qeveritë akuzojnë njëra-tjetrën. Ministria e Jashtme e Azerbajxhanit drejtoi gishtin drejt Armenisë duke e akuzuar atë se do të ndërpresë procesin e paqes, ndërsa Jerevani kryeqytet nga ana e tij denoncoi “agresionin” e fqinjit, i përfshirë në një “përpjekje për të avancuar” në territorin armen.

Të dy vendet zhvilluan dy luftëra – në vitet 1990 dhe 2020 – për kontrollin e Nagorno-Karabakut, enklavës armene të Azerbajxhanit. Konflikti shkaktoi rreth 30,000 viktima. Gjashtë javët e luftimeve në vjeshtën e vitit 2020, lanë mbi 6,500 të vdekur dhe rezultuan në një armëpushim të ndërmjetësuar nga Rusia.