BE ofron vaksina falas për të ndaluar valën e re në Kinë

Vaksina falas për të përmbajtur valën e re masive të Covid-19 në Kinë, shpërthyer pas përfundimit të kufizimeve. Është ky propozimi që vjen nga Bashkimi Evropian përmes delegacionit të tij në vendin aziatik. Një ndihmë dhe gjithashtu një mënyrë për të përdorur stoqet e tepërta. Komisionerja e Shëndetësisë së Unionit, Stella Kyriakides ka kontaktuar me homologun e saj kinez për të ofruar solidaritet dhe mbështetje nga Bashkimi Europian, duke përfshirë ekspertizën në çështjet e shëndetit publik dhe donacionet e vaksinave të Bashkimit Evropian të përshtatura për variantet e reja Ndërsa numrat e pozitivëve po shqetësojnë qeveritë, Evropa ka frikë se mungesa e transparencës mund të fshehë praninë e varianteve të reja.

Për t’u mbrojtur, disa vende si Italia, Franca dhe Spanja kanë zbatuar masat kufizuese për udhëtarët që vijnë nga Kina. Megjithatë, nevojitet një koordinim më i madh për t’i bërë masa efektive. Një nga propozimet në tryezën e ekspertëve është analiza e ujërave të zeza te avionët që vijnë nga Kina. Por pavarësisht dorë së shtrirë te BE-së, Kina po deklaron se ‘situata është nën kontroll’ dhe se shteti kinez ka ‘linjat më të mëdha të prodhimit në botë të vaksinave Covid’.

Ndërkohë, ndërsa Evropa po ngre alarmin, ka ekspertë që thonë se rreziku mund të vijë nga diku tjetër, për shembull nga Shtetet e Bashkuara të Amerikës ku po shfaqen më shumë variante.