BE sanksionon Iranin për dronët në Rusi

Bashkimi Europian njoftoi sanksione kundër oficerëve të lartë të ushtrisë iraniane të cilët kanë urdhëruar furnizimin e Rusisë me dronë të armatosur për ti përdorur në Ukrainë. Edhe pse Moska dhe Teherani e kanë mohuar faktin, BE ka prova dokumentare të përdorimit të ‘Shaded 136’ kundër objektivave ukrainase.

Në të njëjtën linjë është edhe NATO, e cila përmes Stoltenberg i bëri thirrje Teheranit: Çdo furnizim do të ishte një shkelje e qartë e rezolutave të Këshillit të Sigurimit të Kombeve të Bashkuara.”

Dronët vetëvrasës po luajnë një rol kyç në strategjinë e re të Moskës për të shkatërruar infrastrukturën civile në Ukrainë. Përdorimi masiv i tyre bëhet në sfondin e avancimit të kundërofensivës ukrainase në jug të vendit. Për qeverinë e Kievit, “përgjigjja e shpejtë” e Bashkimit Evropian dhe NATO-s dhe sanksionet e shpallura kundër Iranit janë “një fakt pozitiv”.