Deputeti i Partisë Socialiste, Arben Pëllumbi, ka qenë i ftuar në emisionin “Të Paekspozuarit” në MCN TV, ku debatoi me analistin Andi Bushati për korrupsionin masiv që ka prekur pushtetin dhe administratën.

Andi Bushati: Me sa kuptova, zoti Pëllumbi mbajti narrativën që ka korrupsion por ne po e luftojmë. Unë them që jo, PS, por Rilindja sot, jo që po lufton, por është bandë që del në 8 të mëngjesit për të vjedhur në zyrat e shtetit. Edhe në kohën e Tahirit u tha po e luftojmë ne kanabisin, prandaj doli sheshit.

Arben Pëllumbi: Çfarë ndodhte me korrupsionin para 2013?

Andi Bushati: Ka patur korrupsion të madh.

Andi Bushati: Ai flite gjumë nuk bënte gjë. Por Ilir Meta për tentativë blloku, la postin e zv.kryeministrit. Nuk u dënua, e trukoi procesin.

Ylli Rakipi: Ore kryetari i Bashkisë ka përgjegjësi politike?

Arben Pëllumbi: Kur të shohim se çfarë do të nxjerrë prokuroria, do të diskutojmë për këtë temë.

Andi Bushati: Padyshim ka patur korrupsion, të gjithë flisnin. Por këtu dalin drejtorë me dhejtëra milionë euro pasuri. Vidhej në kohë të Saliut, ka qenë tenderi 15-12, këta e bënë 30 dhe tani kalon buxhetin te drejtori. Po hasim prova përditë. Ju thatë inceneratori që nuk ekziston, kanë dy vjet tecet lundruese në Vlorë dhe pagueht çdo ditë pa u ndezur. Është vjedhur për të mos bërë asgjë, paguhet 80 mijë dollarë cdo ditë. Ka arritur vjedhja në disa përmasa. Pastaj me këto lekët e vjedhjes, bëjnë nga këto mitingjet si në Athinë. Harxhohen paratë për masturbimin delirant të liderit.

Arben Pëllumbi: Po të prisja me kuriozitet kur te dilje te kjo pjesa e Edi Ramës, sepse ti nuk e mbyll dot fjalinë pa e përmendur Ramën.

Andi Bushati: Po se ai po na vjedh.

Arben Pëllumbi: Nga viti 92 deri sot, ka patur korrupsion, por cili është ndryshimi? Ne, hapin e parë bëmë sistem drejtësie që të kishte këllqe të godiste edhe brenda nesh. Mbani mend dikur ishte një drejtor tatimesh në arrest shtëpie dhe vazhdonte në detyrë. Një mentalitet që këtu, për kë dua unë ka drejtësi, për kë dua unë, nuk ka drejtësi. Kjo koha ka mbaruar. Kemi bërë shërbime online për të shkëputur kontaktin dhe të mos ketë rradhë dhe korrupsion. Nuk janë më këto gjëra.

Andi Bushati: Po vodhe me incinerator, nuk ka nevojë të mbledhësh 2 mijë lekshat.

Arben Pëllumbi: Po ç’punë ka inceneratori? E di që nuk të erdhi mirë për mitingun e Athinës, aty ishin 6-7 mijë vetë.

Andi Bushati: Ç’donin ata kryetarë bashkie që për ti bërë goroje shefit ishin aty?

Arben Pëllumbi: Kanë qytetarët e tyre emigrantë në Athinë.

Andi Bushati: Po drejtori i Teatrit kishte valltaret?

Arben Pëllumbi: Kemi një vit që merremi me Belerin dhe bëhet një gjë e mrekullueshme në mbështetje të diasporës tonë në Greqi dhe kësaj ti themi jo autobuz, jo korrupsion….

Kreu i grupit parlamentar të Partisë Demokratike, Gazment Bardhi ka reaguar pas deklaratave të Kryeministrit Edi Rama në lidhje me dosjen “Xibraka”.

Teksa i drejtohet Kryeministrit të mos fshihet pas letrave pa vlerë të vëllait të tij, Bardhi i kërkon Ramës të japë llogari se çfarë kërkonte Olsi Rama me makinën e grupit të kokainës.

“Vëllai i madh i Olsit, Edi Rama, është i lumtur për rihapjen e dosjes “Xibraka”, po aq sa ishte Erion Veliaj kur doli pas 8 orëve nga SPAK! Përpjekja e tij e dëshpëruar për të diskretituar SPAK, duke e urdhëruar nga TV se çfarë duhet të bëjë dhe sesi duhet ta trajtojë këtë çështje, është tregues i formimit të tij prej analfabeti ligjor që mendon se institucionet e drejtësisë janë zyra propagande qeveritare.

Në mëngjes vëllai i vogël ripërsërit të njëjtën kërkesë në SPAK që është rrëzuar më parë, me shpresën se do i jap oksigjen për gënjeshtrën ditore të darkës vëllait të madh, që i ikën të vërtetës prej më shumë se 2 muaj. Boll u fshehe pas letrave pa vlerë të vëllait më të vogël! Na trego çfarë bënte yt vëlla me makinën që përdorte grupi i kokainës me targa AA 653 DM. Sado të përdridhesh nuk e fsheh dot të vërtetën dhe as makinën e kartelit të drogës me targë AA 653 DM, e përdorur nga Olsi Rama”, tha Bardhi.

Kryeministri Rama deklaroi se do e lumturonte rihapja e hetimeve për dosjen “Xibraka” dhe se sipas tij do ishte drejtësia ajo që do vërtetonte nëse vëllai i tij është trafikant kokaine apo akuzat e Bardhit janë vetëm mashtrime.

Lëvizja Bashkë ka organizuar pasditen e sotme një protestë kundër korrupsionit përballë Bashkisë së Tiranës, për aferat që kanë përfshirë këtë institucion. Kryetari i Lëvizjes Bashkë Arlind Qori, gjatë një lidhje direkte për emisionin “Të Paekspozuarit” në MCN TV, tha se protesta nuk ka marrë vëmendje në media dhe kanë qenë prezente vetëm dy televizione, për shkak se mediat janë të kapura nga pushteti.

“Lajmin nuk e ka dhënë asnjë nga mediat. Ka patur vetëm dy televizone, mes tyre MCN e cila me gjasë do të bëjë kronikën. Tregon se jemi në një omerta mafioze, të heshtjes së opinionit publik. Erion Veliajn është njeriu që ka në dorë tendera dhe para publike për mafiozë dhe oligarkë, ka shumë ndikim në televizione. Në protestat tona ka shumë policë dhe pak gazetarë. Ne do të bëjmë detyrën tonë, do të ngrejmë zërin, do të tregojmë me gisht të gjithë problemet që ka Bashkia e Tiranës. Është një çëte hajdutësh. Ishim me banorët e Kombinatit, do të ndërtohet pallat shtatë katësh për lulishten e fundit që ka aty. U mblodhën dhe protestuan banorët, asnjë televizion nuk ishte i pranishëm, ndonëse ishin lajmëruar të gjithë. Kjo tregon se i frikësohen opinionit publik, duan të na mbysin me heshtje por zëri i së vërtetës do të mbizotërojë“, tha Qori.

Kryeministri Rama thotë se rihapja e hetimeve për dosjen e Xibrakës është një lajm i mirë. Në një intervistë për emisionin “Opinion” në Tv Klan, kryeministri Rama thotë se duhet të konfirmohet nëse është kallëzim i rremë ai i kreut të grupit parlamentar të PD-së lidhur me përfshirjen e vëllait të tij në këtë dosje.

Më tej, Rama ka thënë se duhet që SPAK-u ta thotë nëse “ai ka një trafikant kokaine në familjes”, ose siç e thotë ai “gojës së madhe të BE-së së vogël i duhet vënë proteza”.

Blendi Fevziu: Deklaruat për çështjen e Gazment Bardhit dhe akuzën ndaj vëllait tuaj se nuk u mor parasysh, ndërkohë Bardhi ka deklaruar 2 ditë më parë se SPAK ka rihapur hetimet në lidhje me këtë dosje.

Kryeministri Edi Rama zbulon për herë të parë në emisionin Opinion në Tv Klan mesazhin që i dha kryebashkiakut të Tiranës Erion Veliaj, pasi ky i fundit doli nga SPAK më 30 Prill 2024.

Kreu i qeverisë u pyet nga gazetari Blendi Fevziu nëse bisedoi me Veliaj për akuzat që ky i fundit bëri në adresë të disa gazetarëve pas përfundimit të dëshmisë në Prokurorinë e Posaçme.

Kryeministri bëri të ditur se Erion Veliajt i tha që kishte bërë gabim me deklaratën sulmuese ndaj gazetarëve.

Rama theksoi edhe njëherë qëndrimin e tij që nuk mbron politikisht asnjë zyrtar të përfshirë në akte korruptive.

Blendi Fevziu: Ai ishte fjalimi juaj dhe adresimi juaj një mesazh për Erion Veliajn? Shumë media e kanë lexuar të tillë.

Kryeministri Edi Rama: Po çfarë janë këto mo. Po pse mo çfarë janë mediat?

Blendi Fevziu: Mediat këtë punë kanë të analizojnë mesazhet e tua.

Kryeministri Edi Rama: Mesazhet për Erion Veliajn unë i kam të thjeshta fare, i kam një tekst, një telefonatë, një takim. Që unë nuk mbroj…

Blendi Fevziu: Nuk mbron askënd? Ju thatë vetëm Zahon nuk lë të hidhet…

Kryeministri Edi Rama: More zotëri këtë e kam thënë 1000 herë dhe 1000 herë e kam përsëritur.. Unë jam ndryshe Fevzi, ky është thelbi, dhe ju nuk doni ta pranoni ok nuk doni ta pranoni. Jam ndryshe.

Kryeministri Edi Rama: Jam ndryshe. Unë ato gjëra që them i mendoj. Nuk them një tjetër dhe mendoj..

Blendi Fevziu: Meqë kishe një mesazh të shkurtër apo vetëm një tekst apo telefon me Veliajn, a i the gjë për qëndrimin që ai mbajti duke akuzuar një sërë gazetarësh pasi doli nga SPAK?

Kryeministri Edi Rama: Po i thashë.

Blendi Fevziu: Çfarë i thatë?

Kryeministri Edi Rama: Gabim shumë i madh.

Blendi Fevziu: Pse?

Kryeministri Edi Rama: Sepse unë personalisht kam pasur shumë herë reagime ndaj mediave, por nuk kam sulmuar kurrë një me emër, një person, sepse sulmet ad ominan nuk janë sulme të denja për këdoqoftë që ka një funksion të lartë dhe që ka një raport që lidhet me rolin e tij institucional.