Politologu Alban Daci ishte këtë të premte i ftuar në një lidhje direkte për Euronews Albania ku dënoi sulmin e bërë ndaj avokatit Sokol Mëngjesi.

Duke e krahasuar se sa të mbrojtur janë avokatët në vendin ku ai jeton, Daci tha se Shqipëria është si në vitet 70 në Itali.

“Unë mendoj se sot kemi një betejë mes dy kategorive. Betejë mes personave që i shërbejnë shtetit të së drejtës dhe atyre që duan ta devijojnë e ta anashkalojnë shtetin e të drejtës. Ndaj mendoj se situata në Shqipëri sot është e ngjashme për fat të keq me vitet ’70 në Itali, por shpresoj të mos jenë pasojat që ata patën”,-tha Alban Daci.

Ai shtoi se do të donte se fenomene të tilla kriminale të luftoheshin jo vetëm nga politika e nga ligjet, por edhe nga shoqëria shqiptare.

Gjykata e Apelit ka vendosur që ti heqë sekuestron pasurive të biznesmenit Ago Gjolaj. Biznesmenit më 18 prill i sekuestruan një shoqëri tregtare, prona dhe llogaritë bankare si dhe 97 automjete. Gjolaj është nën hetim për kryerjen e veprës penale “Pastrimi i produkteve të veprës penale ose veprimtarisë kriminale”.

Sipas Prokurorisë së Shkodrës, biznesmeni Ago Gjolaj ka dyshime se merret me kontrabandimin dhe tregtimin e mallrave kontrabandë si dhe është evidentuar si pjesëmarrës në grup kriminal që merret me trafikimin e lëndëve narkotike. Po ashtu, sipas Prokurorisë, Ago Gjolaj së bashku me dy vëllezërit e tij janë hetuar disa herë nga autoritet shqiptare madje edhe janë dënuar për vepra penale të ndryshme, si kontrabandë, tregtim mallrash kontrabandë, etj

Në pak javë hetime, ku u përfshinë edhe anëtarë të tjerë të familjes Gjolaj, Prokuroria e Shkodrës ngriti dyshime se biznesmeni dhe të afërmit e tij nuk justifikonin pasurinë e krijuar me burime të ligjshme. Nën këto dyshime dhe pas një analize të detajuar financiare, Prokuroria mori lejen e gjykatës për sekuestrimin e aseteve të tyre.

Nën sekuestro u vendos kompania “B.M” shpk, një objekt biznesi me sipërfaqe 2592 m2, 97 automjete të shoqërisë, si edhe shuma e parave në llogaritë e Sonjela Gjolaj bashkëshortja e biznesmenit, Ago Imer Gjolaj dhe subjektit tregtar. Por, tashmë ky vendim i Gjykatës së Shkodrës është rrëzuar nga Gjyaka e Apelit të Përgjithshëm.

Njoftimi i plotë i Gjykatës së Apelit:

Referuar raportimeve në media, Gjykata e Apelit të Juridiksionit të Përgjithshëm, informon sa më poshtë:

Prokuroria Pranë Gjykatës së Shkallës së Parë të Juridiksionit të Përgjithshëm Shkodër, ka regjistruar procedimin penal të vitit 2017, për kryerjen e veprës penale “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal.

Nga shqyrtimi i materialit kallëzues referuar nga Drejtoria e Përgjithshme e Policisë së Shtetit, rezulton se në bazë të informacioneve dhe dokumentacionit te administruar, bazuar nëligjin nr. 108, datë 31.07.2014 “Për Policinë e Shtetit”, i ndryshuar, rezulon se shtetasi A. Gj dyshohet se merret me kontrabandimin dhe tregëtimin e mallrave kontrabandë, si dhe është evidentuar si pjesëmarrës në grup kriminal që merret me trafikimin e lëndëve narkotike.

Në vijim, Prokuroria Pranë Gjykatës së Shkallës së Pare të Juridiksionit të Përgjithshem Shkodër, ka regjistruar procedimin pasuror të vitit 2024, në bazë të ligjit nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar.

Në këtë kuadër,Prokuroriaiështë drejtuar Gjykatës së Juridiksionit të Përgjithshëm Shkodër, me kërkesën me objekt:Vendosjen e sekuestros preventive mbi pasuritë si më poshtë vijon:

– Shoqerine tregtare “…” Shpk me Nipt: …..

– 97 automjete në pronësi të shoqërisë “….”

– Gjendjen aktuale në të gjitha llogaritë bankare (llogari rrjedhëse/depozita) të të gjitha bankave te nivelit të dytë që ushtrojnë veprimtarinë e tyre në Republikën e Shqipërisë në emër të A. Gj, S. Gj, si dhe “…” Shpk me Nipt: ……

– Caktimin e administratorit nga lista e ekspertëve të Agjencisë së Administrimit të Pasurive të Sekuestruara dhe të Konfiskuara.

Gjykata e Shkallës së Parë të Juridiksionit të Përgjithshëm Shkodër, me vendimin datë 16.04.2024, ka vendosur:

1. Pranimin e kërkesës së Prokurorisë pranë Gjykatës së Shkallës së Parë të Juridiksionit të Përgjithshëm Shkodër.

-Shoqerine tregtare “…” Shpk me Nipt: …..

– 97 automjete në pronësi të shoqërisë “…”

– Gjendjen aktuale në të gjitha llogaritë bankare (llogari rrjedhëse/depozita) të të gjitha bankave te nivelit të dytë që ushtrojnë veprimtarinë e tyre në Republikën e Shqipërisë në emër të A. Gj, S.Gj si dhe “….” sh.p.k me Nipt: ……

3. Për administrimin e këtyre pasurive ngarkohet Agjencia e Administrimit të Pasurive të Sekuestruara dhe të Konfiskuara.

4. Dy kopje të këtij vendimi t’i dërgohen Prokurorisë pranë Gjykatës së Shkallës së Parë të Juridiksionit të Përgjithshëm Shkodër, e cila të marra masa për ekzekutimin e këtij vendimi.

Çështja në apel u shqyrtua mbi bazën e ankimit të bërënga kërkuesi me iniciale A. Gj, i cili kërkoi:

-Shfuqizimin e vendimit 16.04.2024 të Gjykatës të Shkallës së Parë të Juridiksionit të Përgjithshëm Shkodër.

Në përfundim të gjykimit, më datë 30.05.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtar z. Genti Shala, vendosi:

-Ndryshimin e vendimit datë 16.04.2024 të Gjykatës së Shkallës së Parë e Juridiksionit të Përgjithshëm Shkodër si vijon:

-Rrëzimin e kërkesës, për vendosjen e sekuestros preventive mbi pasuritë sipas kërkesës datë 09.05.2024.

GJYKATA E APELIT TË JURIDIKSIONIT TË PËRGJITHSHËM

Avokati Sokol Mëngjesi i cili ra pre e një sulmi paraditen e së mërkurë në ambjentet e një kopshti privat në Tiranë, vijon të jetë në gjendje kritike për jetën. Prej ditës së sulmit ai është futur në intubim dhe gjendja e tij raportohet e rënduar. Sakaq tre nga autorët e sulmit, konkretisht Drivald Alia, 21 vjeç; Elton Kasaj, 33 vjeç dhe Romario Tabaku, 26 vjeç vijojnë të jenë në kërkim dhe ende nuk dihet destinacioni që kanë ndjekur pas ngjarjes.. Mësohet se përpos kontrollit të ngritur në pikat kufitare Policia ka ushtruar kontrolle edhe në disa qytete të vendit, jashtë Tiranës, por ende nuk ka arritur në gjurmët e tyre.

Deri më tani lidhur me ngjarjen është vetëdorëzuar një nga autorët e sulmit Dorian Alia, i cili në dëshminë e tij paraprake të dhënë para hetuesve ka thënë se sulmi ishte i porositur nga Dritan Nano, dhe se kishin shkuar ti jepnin vetëm një mesazh pa menduar se gjendja do të bëhej kritike.

Ndërkohë vetë Nano tashmë i arrestuar nga Policia ka mohuar akuzat duke thënë se nuk ishte ai organizatori dhe se nuk kishte lidhje me ngjarjen. Nga hetimet e deritanishme thuhet se sulmi ka ndodhur për shkak të detyrës, për një çështje pronësie që avokati ka përfaqësuar më herët.

Një ngjarje pazakontë është regjistruar në fshatin Piskupat të Pogradecit.

Autoritetet policore raportojnë se fermeri me inicialet N. S. ka spërkatuar me pesticide një sipërfaqeje toke në pronësi të bashkëfshatares së tij, shtetases R. L. Qëllimi i tij ishte që t’i dëmtonte të mbjellat bashkëfshatares.

Komisariati i Policisë Pogradec e ka proceduar në gjendje të lirë shtetasin N. S., teksa materialet procedurale i kaluan Prokurorisë për veprime të mëtejshme.

Evropa duhet të përgatitet për ‘rrezikun e lartë’ të një pandemie gripi, deklaroi sot në mënyrë të bujshme një shefe e Organizatës Botërore të Shëndetësisë (OBSH).

Dr Maria Van Kerkhove, ushtruesja e detyrës së drejtorit të agjencisë së OKB-së për gatishmërinë ndaj pandemisë, tha se ishte një ‘siguri’ se kontinenti do të përballej me kërcënimin e gripit.

Duke folur në një podcast të OBSH-së, ajo argumentoi se Covid nuk do të ishte ‘pandemia e fundit me të cilën do të merremi në jetët tona’.

Në vend të kësaj, një kërcënim i panjohur i së ardhmes mund të godasë në mënyrë të paprecedentë.

Por epidemiologu i respektuar gjithashtu pranoi se koronavirusi ‘nuk duhej të ishte aq i keq sa ishte’.

Ajo tha për Health in Europe: “Për mua, gripi është një siguri sepse është shumë në qarkullim. Është infektuar nga shumë lloje të ndryshme.

“Ne kemi gripin e shpendëve dhe mundësitë për ribashkim [ndryshimet gjenetike në një virus që e lejojnë atë të kërcejë midis specieve], mundësitë për një pandemi të virusit të gripit janë të larta.

“Kjo është arsyeja pse ne kemi një sistem të tërë në vend për t’u përgatitur për këtë. Sfida është, a do të shohim një tjetër pandemi të koronavirusit?

“Duke pasur parasysh që SARS-CoV-2 shkaktoi një pandemi, me siguri, kjo është një mundësi. Pyetja është, a do të shohim një pandemi Arbovirus?’

Arboviruset, të njohur edhe si viruse të lindura nga artropodët, i referohen infeksioneve të përhapura te njerëzit nga pickimi i insekteve të infektuara si mushkonjat dhe rriqrat.

Ajo shtoi: “Tani, nuk po e them këtë për të frikësuar njerëzit që po e dëgjojnë këtë, por për ne, është diçka për të cilën duhet të jemi të përgatitur”.

‘Pra, ne duhet të mendojmë jashtë kutisë. Përgatituni me të vërtetë për kërcënimet e njohura, por gjithashtu mendoni jashtë kutisë për diçka ndryshe, ndoshta nga uji apo jo.

”Pra, për mua, pandemitë, për fat të keq, janë pjesë e asaj me të cilën do të përballemi gjatë jetës sonë”.

“Unë nuk besoj se kjo do të jetë pandemia e fundit me të cilën do të përballemi në jetën tonë”.

Për dekada, shkencëtarët kryesorë kanë paralajmëruar se gripi i shpendëve është pretenduesi më i mundshëm për të shkaktuar pandeminë e ardhshme.

Ekspertët thonë se kjo është për shkak të kërcënimit të rikombinimit, kur dy viruse bashkohen për të krijuar një hibrid.

Nivelet e larta natyrore të gripit njerëzor rrisin rrezikun që dikush t’i ketë të dyja në të njëjtën kohë, gjë që mund të shkaktojë një situatë të tillë.

Të tjerë kanë spekuluar prej kohësh sëmundjen X – që përfaqëson një patogjen hipotetik, aktualisht të panjohur – në përgjithësi do të vinte nga transmetimi zoonotik, një virus i kafshëve ose bakteri që kalon te njerëzit.