Sport
Champions League rikthehet me fazën e 1/8
![](https://ntv.al/wp-content/uploads/2024/02/q18-2.jpg)
Mesi i shkurtit ka lidhje me dashurinë dhe më shumë për ata që janë të lidhur pas futbollit. Këtë të martë pas një mungese thuajse dy mujore, kompeticioni më i rëndësishëm në Evropë, Champions League u kthye me fazën e 1/8 në ndeshjet me sistemin vajtje-ardhje me eliminim direkt. Në Danimarkë, Manchester City fitoi 1-3, por nuk e pati të lehtë kundër Copenhagen. Në Gjermani, RB Leipzigu humbi mes polemikave 0-1 me Real Madridin. Ndeshjet e kthimit mes tyre luhen në 6 mars.
Në “Parken Stadium” të Copenhagenit, vendasit u mundën 1-3 nga fituesit në fuqi të Champions League, Manchester City. Ndeshja e parë e fazës së 1/8 mes tyre u vendos në pjesën e parë, me De Bruyne që zhbllokoi shifrat pas vetëm dhjetë minutave lojë. Mattsson barazoi në minutën e 34, me futbollistin që vetëm dhjetë ditë më parë firmosi në klubin danez. Asisti i De Bruyne bëri që Bernardo Silva të shënonte për 1-2 në fundin e pjesës së parë, me golin që i jep suksesin “Qytetarëve”. Foden (sërish asist i De Bruyne) u kujdes që në fundin e lojës të “vuloste” rezultatin 1-3.
Në Gjermani, RB Leipzig u mund 0-1 nga Real Madridi. Ndeshja e 1/8 në Champions League nisi me polemika, kjo pasi vendasit shënuan që në minutat e para. Goli u anullua, ndërsa pas saj pati polemika pasi sulmuesi ishte në pozicion të rregullt. Duket se goli u anullua për një faull ndaj portierit të “Galaktikëve”. Djemtë e Carlo Ancelottit më pas morën kontrollin dhe gjetën golin me Brahim Diaz në të 48 minutë. Tanimë duelet e kthimit në Angli dhe Spanjë do luhen në 6 mars, me Man. Cityn që është pranë kalimit në çerekfinale.
![](https://i0.wp.com/shqiptarja.com/uploads/ckeditor/65cbe5f7d6360de%20bryune.jpg?w=740&ssl=1)
Në “Parken Stadium” të Copenhagenit, vendasit u mundën 1-3 nga fituesit në fuqi të Champions League, Manchester City. Ndeshja e parë e fazës së 1/8 mes tyre u vendos në pjesën e parë, me De Bruyne që zhbllokoi shifrat pas vetëm dhjetë minutave lojë. Mattsson barazoi në minutën e 34, me futbollistin që vetëm dhjetë ditë më parë firmosi në klubin danez. Asisti i De Bruyne bëri që Bernardo Silva të shënonte për 1-2 në fundin e pjesës së parë, me golin që i jep suksesin “Qytetarëve”. Foden u kujdes që në fundin e lojës të “vuloste” rezultatin 1-3.
VIDEO/ Real Madridi fiton 0-1 me Leipzig në Ligën e Kampioneve, polemika për VAR-in në Gjermani
![](https://i0.wp.com/shqiptarja.com/uploads/ckeditor/65cbe5ae76780real%20madrid.jpg?w=740&ssl=1)
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)