Kryetari i Komisionit për Punë të Jashtme në Bundestagun Gjerman, Michael Roth, ka kritikuar politikën autoritare të presidentit të Serbisë, Aleksandër Vuçiç, i cili më herët e ka quajtur atë, urrejtës të serbëve.
Roth ka publikuar një pjesë të fjalimit të Vuçiçit nga konferenca e fundit për media në rrjetin social X (Twitter) duke shkruar se deklarata “Unë jam shteti” nuk vlen më në Bashkimin Evropian.
“Ti nuk je Serbi presidenti Vuçiç! Unë ju kritikoj ju, miqësinë tuaj me Rusinë dhe politikën autoritare. Nga ana tjetër, unë e dua popullin serb. Je ti dhe politika juaj, pengesa më e madhe për hyrjen e Serbisë në Bashkimin Europian” – ka theksuar kryetari i Komisionit të Punëve të Jashtme të Bundestagut gjerman.
Presidenti serb, më pare, iu referua debatit të nisur në Twitter nga përgjigja e kryeministres Ana Brnabiç ndaj vlerësimit të Roth se zgjedhjet në Serbi nuk ishin as të drejta dhe as të lira.
“Imagjinoni Ana Brnabiç të guxojë t’i përgjigjet Roth-it. Le të luajë me shtete të tjera, nuk do të luajë me Serbinë. Ai nuk është zotëri, e njoh mirë, ai është urrejtësi më i madh në Gjermani I Serbisë” – eshte shprehur Vuçiç
Kryeministrja serbe Ana Brnabiç, duke reaguar ndaj rekomandimeve të bëra nga ODIHR në lidhje me zgjedhjet e 17 dhjetorit, tha se Bundestagu gjerman nuk ka zbatuar asnjë rekomandim të ODIHR përgjatë 10 viteve.
Roth më pas deklaroi se ODIHR-i kurrë nuk ka regjistruar parregullsi të mëdha zgjedhore në Gjermani, rregullimin e listës së votuesve apo parregullsi lidhur me votues fantazmë si në Serbi, pas së cilës Brnabić e akuzoi atë se ajo “as nuk e kishte marrë mundimin të lexonte” raportin për Serbinë.
“Po të kishit lexuar raportin që guxoni të komentoni, do kishit parë që ODIHR-i, ka shprehur vetëm pretendime të pabaza dhe të paargumentuara të opozitës” – ka shkruar Brnabiç dhe ka shtuar se në raport nuk përmendet shprehja “votues fantazmë” që ka përdorur Roth.
Mandatari për formimin e Qeverisë së Serbisë, Millosh Vuçevic, propozoi emrat e ministrave të rinj në kabinet.
Siç ai paralajmëroi, Qeveria e tij do të përbëhet nga 25 ministri dhe pesë ministra pa portofol.
Në pozitën e zëvendëskryeministrit do të rikthehet Aleksandar Vulin, ish drejtues i shërbimit të inteligjencës, i cili është nën sanksionet e Shteteve të Bashkuara të Amerikës që nga korriku i vitit 2023, mes tjerash për shkak të lidhjeve me Rusinë.
Shefi aktual i diplomacisë serbe, Ivica Daçic, do ta udhëheqë Ministrinë e Punëve të Brendshme, ndërsa ministër i Mbrojtjes do të jetë Bratisllav Gashic, deri më tash ministër i Rendit.
Marko Gjuriç, ish-ambasador i Serbisë në SHBA dhe ish-drejtor i Zyrës për Kosovën në Serbi, do t’i bashkohet Qeverisë si ministër i Punëve të Jashtme.
Një zyrtar tjetër nga “lista e zezë” e SHBA-së, për shkak të lidhjeve me Rusinë, Nenad Popoviç, do të jetë po ashtu pjesë e Qeverisë si ministër pa portofol.
Në fjalimin e tij të parë pas kthimit nga Nju Jorku, presidenti serb Aleksandar Vuçiç ka deklaruar se Kosova mund të mbledhë votat e nevojshme për t’u anëtarësuar në Këshillin e Evropës.
Teksa fajësonte fuqitë e mëdha dhe shprehej se Serbia ka qenë në betejë me këto të fundit, Vuçiç tha se ishte krenar për përpjekjet e tij për të parandaluar anëtarësimin e Kosovës në KiE.
“Më 16 maj presim një raport për anëtarësimin e Kosovës në atë organizatë. Pranimi i Kosovës në anëtarësimin e Këshillit të Evropës është pika e dytë dhe tani ka një fushatë gjithëpërfshirëse të interpretimit fleksibël të obligimeve të Prishtinës dhe në të njëjtën kohë zbatimit të teorive të ndryshme për fajin e lidershipit serb se pse Kosova nuk do të bëhet anëtare e Këshillit të Evropës.
Gjasat që të ndodhë janë të mëdha, ne po bëjmë çmos për ta parandaluar, sepse respektojmë rregullat evropiane, gjithçka kemi rënë dakord me Evropën dhe me amerikanët. Sekuenca e parë ishte formimi i Bashkësisë së Komunave Serbe, pastaj pas vizitave të çuditshme në Athinë, pati një ndryshim në ato marrëveshje”, pranoi Vuçiç.
Kancelari i Gjermanisë Olaf Scholz ka pritur Kryeministrin e Malit të Zi në zyrën e tij në Berlin. Në një postim në X pas takimit, Scholz ka shkruar se Mali i Zi është një faktor i rëndësishëm për stabilitetin e Ballkanit Perëndimor.
“Asnjë vend tjetër në Ballkan aktualisht nuk është më i përcaktuar për progres për krijimin e kushteve për t’u anëtarësuar në BE. Gjatë vizitës së tij në Berlin e sigurova Kryeministrin Spajic për mbështetjen tonë në këtë rrugë” ka shkruan Scholz.
Në konferencën për media Kancelari ka thënë se “asnjë nga vendet e shumëta që synojnë anëtarësimin në BE nuk do të anëtarësohet vetëm për arsye gjeopolitike”. Por, a mund anëtarësohet Mali I Zi pas katër vjetësh?
Bëhet fjalë edhe për arritjet e secilit vend (merit -based), pra sa i ka plotësuar parakushtet për shtetin e së drejtës, demokracinë, ekonominë e tregut dhe bashkëjetesën sociale. Parakushti është përmbushja e acquis evropaine.Por unë jam i impresionuar me ambicien dhe shpejtësinë. Dhe mendoj se është një ambicie realiste. Ne do të ofrojmë gjithë mbështetjen tonë për këtë” ka premtuar kancelari.
Fundosja e anijes ndodhi mëngjesin e së dielës së 28 prillit, në rrethana të paqarta, ku rojet bregdetare kanë shkuar në vendngjarje dhe kanë kryer operacionin e shpëtimit, pas mesazhit të dërguar nga emigrantët
Ekipi i shpëtimit gjeti trupin e një burri, i cili u mor nga një ambulancë dhe u dërgua në spitalin lokal.
25 emigrantë të tjerë u shpëtuan, të cilët janë në gjendje të mirë shëndetësore dhe janë dërguar në portin Vatheos.
Një ngjarje e përgjakshme me armë zjarri ka ndodhur në orët e para të së dielës, në orën 03.40, jashtë klubit Cabaret në Marousi, në Avenue Kifissias 10-12, si pasojë e të cilit një 21-vjeçar ka humbur jetën ndërsa një 20-vjeçar. është dërguar në spital me plagë.
Sipas informacioneve të zougla.gr, i riu që humbi jetën është qëlluar me plumb në qafë.
I plagosuri, i cili është ushtar, është qëlluar me plumb në kofshë. Forca të forta policie kanë shkuar në vendngjarje dhe kanë rrethuar zonën, këtu kanë gjetur një gëzhojë 9 mm dhe një pistoletë. Dy të rinjtë u dërguan në spitalin e Kryqit të Kuq. Hetimet policore janë duke vijuar ndërsa autori i sulmit është shpallur në kërkim. Hetimet paraprake janë ndërmarrë nga Drejtoria e Sigurimit të Atikës.
Skenë e filmuar/ Atentati ndaj Agustin Kazës në një kafe në Bruksel, ngjarja dyshohet për…
Serbia ngre flamurin e bardhë? Vuçiç: Kosova do të anëtarësohet në Këshillin e Evropës
“Jam duke QARË”/ Kejvina Kthjella befason me komentin te postimi i Luizit dhe Kiarës
Kiara dhe Luiz prindër për herë të parë, por a i uroi Ledion Liço çiftin? FOTO
Klubet e KURTHIT për Kosovën, në Francë dhe Gjermani
Kush është politikani që do të arrestohet këtë javë? Anila Hoxha tregon emrat…
Tragjedi/ Autobusi del nga rruga dhe përfundon në lumë, 23 persona humbin jetën
Anëtarë të rinj/ Michel: Ballkani Perëndimor duhet të futet sa më parë në BE
