Europa momentalisht përfaqëson gjysmën e infeksioneve të reja në botë me COVID-19

Organizata Botërore e Shëndetësisë njoftoi se Europa përbënte pothuajse gjysmën e katër milion rasteve të reja të koronavirusit në botë javën e kaluar. Ajo kishte më shumë raste të reja se çdo kontinent tjetër, me 46% të totalit në të gjithë botën.

Por numri COVID-19 i Europës ra me 10% krahasuar me javën e kaluar pas “forcimit të shëndetit publik dhe masave sociale” në rajon, sipas OBSH. Ndërsa rastet ranë, numri i vdekjeve u rrit në një total prej më shumë se 29,000 – duke përbërë 49% të të gjitha vdekjeve në të gjithë botën.

Rritja më e madhe e rasteve të koronavirusit ishte në Austri, e cila pa një rritje prej 30% të rasteve të reja krahasuar me javën e kaluar.

Vendi më i goditur në Europë është Belgjika, e cila ka numrin më të lartë të vdekjeve COVID-19 për frymë në botë – 129 vdekje për 100,000 njerëz. Spanja është e dyta më e prekura, me 89 vdekje për 100,000.

Virologu Steven Van Gucht, nga grupi shëndetësor i qeverisë Sciensano, tha se mesatarja ditore e vdekjeve në vend tani qëndronte në 185 persona, një rënie prej 5% krahasuar me mesataren e një jave më parë.

Spitalet e Zvicrës po përpiqen të përballojnë një rritje të madhe të pacientëve të ICU, një kontrast me valën e parë relativisht të lehtë të pandemisë. “Njësitë e kujdesit intensiv zviceran janë në kufirin e kapacitetit të tyre të rregullt të shtretërve,” tha Shoqata Zvicerane për Mjekësinë e Kujdesit Intensiv.

Të gjithë 876 shtretërit e certifikuar të ICU-së në vend u zunë të Mërkurën dhe mjekët kanë këshilluar njerëzit e pambrojtur të shkruajnë një testament që tregon nëse do të dëshironin të merrnin life-support për jetën nëse sëmureshin rëndë.

Andreas Stettbacher, kirurg i përgjithshëm i forcave të armatosura zvicerane tha se ishin në dispozicion edhe 240 shtretër të tjerë të certifikuar. Ushtria zvicerane është thirrur për të mbështetur përpjekjet në të gjithë vendin.

Vendi Alpin nuk është nën një bllokim të plotë, por infeksionet e tij për frymë këtë muaj kanë qenë rreth dyfishi i mesatares së BE. (Euronews)