Integrimi i plotë i shqiptarëve, ndikon pozitivisht në marrëdhëniet midis Shqipërisë dhe Serbisë

Me shumë kënaqësi prita në një takim vëllazëror kryetarin e Komunës së Bujanocit, z.Nagip Arifi.
Vlerësova rolin e partive politike shqiptare në Luginën e Preshevës dhe i përgëzova të gjithë shqiptarët për rezultatin e arritur në zgjedhjet e fundit të përgjithshme në Serbi, duke fituar tre deputetë.
U interesova për gjendjen shëndetësore të bashkëkombasve tanë në Luginë në përballje me pandeminë COVID-19.
Theksova se integrimi i plotë i shqiptarëve në të gjitha nivelet e administratës qendrore, por edhe në atë vendore, si dhe respektimi i të drejtave të tyre ndikon pozitivisht edhe në marrëdhëniet midis Shqipërisë dhe Serbisë.
Dërgova përshëndetjet më të ngrohta për të gjithë shqiptarët e Luginës, me të cilët mezi po pres të takohem sërish.