Politike
Këlliçi: Shqipëria po digjet, kjo nuk është fatkeqësi natyrore, por tradhti ndaj njerëzve
Drejtuesi politik i PD-së për Tiranën, Belind Këlliçi ka reaguar për situatën e rëndë të zjarreve në vend.
Me një shënim të tij në Facebook, Këlliçi shprehet se, kjo nuk është fatkeqësi natyrore, por është tradhti ndaj njerëzve, të cilëve po u shkrumbohet mundi i një jete.
Reagimi i Belind Këlliçit:
Zjarret po e hanë vendin si ujq të uritur. Familjet po humbasin gjithçka. Shtëpitë, bagëtia, pyjet po shkrumbohen.
Kjo nuk është fatkeqësi natyrore, por tradhti ndaj njerëzve, të atyre, që po dëshmojnë hirin e djegies mbi një jetë punë e stërmundim dhe të zjarrfikëseve, ushtarëve e forcave të emergjencës lënë në mëshirë të fatit mu në vijën e flakës.
Kjo nuk është thjesht verë e nxehtë, por një vend që digjet në trup e në ndërgjegje prej dështimit të shtetit për të mbrojtur qytetarët e vet.
Me nisjen e Parlamentit, përpjekja ime e parë si deputet do të jetë adresimi i kësaj katastrofe për të njohur përgjegjësitë e parandaluar të tjera.
Mbrojtja e jetës nuk mund të jetë opsion, por detyrim madhor.
Lufta me zjarret, reagon Rama: Respekt për zjarrfikësit, piromanët do marrin dënimin më të rëndë nga ligji
Flakë masive e banorë të trishtuar, Reuters sjell imazhet nga ‘lufta’ me zjarrin në Delvinë
Autostrada Tiranë-Durrës në rikonstruksion, shpallet fituesi për tenderin e aksit Vorë-Ura e Dajlanit
Nga hero kombëtar në tradhtar: Përballja e papritur e Novak Gjokoviçit me regjimin e Beogradit
Europol zbardh të pathënat: Si u kapën trafikantët shqiptarë me 40 milionë euro fitim nga trafikimi i drogës
Siguria prioritet/ Kosova, Shqipëria dhe Kroacia blejnë armë të sofistikuara amerikane
Kronikë me vdekje/ Mbytet një person në Vlorë
