Bota
Nata e sulmeve Izrael-Iran/ Bombardohet lagjia e liderit suprem Khamenei, vala e katërt e raketave
Irani dhe Izraeli shënjestruan njëri-tjetrin me raketa dhe sulme ajrore gjatë natës, pasi Izraeli nisi ofensivën e tij më të madhe ajrore ndonjëherë kundër armikut të tij të hershëm në një përpjekje për ta parandaluar atë të zhvillojë armë bërthamore.
Sirenat e sulmeve ajrore u dëgjuan në Tel Aviv dhe Jerusalem, dy qytetet më të mëdha të Izraelit, duke i detyruar banorët të nxitonin në strehimore ndërsa valë të njëpasnjëshme raketash iraniane përhapeshin në qiell. Ushtria tha se sistemet e saj të mbrojtjes ajrore ishin në funksionim.
Izraeli po ashtu sulmoi edhe rezidencën e udhëheqësit suprem të Iranit Khameneit.
Ndërkohë, në OKB, ambasadori izraelit tha: “Pritja jonë ka mbaruar, ne do ta çmontojmë programin bërthamor të Teheranit”.
Izraeli vijon sulmet ndaj Iranit: Po eliminojmë kërcënimet
…
“Harrohet” Gaza, por Izraeli vijon të godasë edhe aty
Një ndërprerje e plotë e internetit në Rripin e Gazës që nga e enjtja e ka bërë raportimin edhe më sfidues
Izraeli nuk ka lejuar gazetarët e huaj të hyjnë në Gaza që nga 7 tetori 2023, përveç nëse janë nën shoqërimin ushtarak izraelit. Një ndërprerje e plotë e internetit në Rripin e Gazës që nga e enjtja e ka bërë raportimin edhe më sfidues.
Ka pasur sulme të përsëritura vdekjeprurëse ndaj palestinezëve që presin në radhë për ndihmë ushqimore dhe skema e GHF për shpërndarjen e ushqimit nga një numër i kufizuar vendesh të militarizuara rëndë është kritikuar ashpër.
Për muaj të tërë, ekspertët humanitarë kanë paralajmëruar se Gaza është në prag të urisë.
Fondacioni Humanitar i Gazës tha në një deklaratë se nuk do të shpërndajë ndihmë ushqimore të shtunën. Nuk dha një shpjegim, por tha se ndihma ushqimore do të rifillojë të dielën.
…
Ministri i Jashtëm i Iranit: Do t’i përgjigjemi me vendosmëri Izraelit
Ministri i Jashtëm iranian Abbas Araghchi
“Irani do t’i përgjigjet sulmit izraelit me vendosmëri të fortë për të mbrojtur sovranitetin dhe sigurinë e tij kombëtare”, theksoi Ministri i Jashtëm iranian Abbas Araghchi në dy biseda të ndara telefonike dje me homologët e tij nga Franca, Britania, Katari, Emiratet e Bashkuara Arabe, Iraku, Australia, Qiproja, India dhe Pakistani, si dhe me Sekretarin e Përgjithshëm të OKB-së Antonio Guterres. Duke folur me homologun e tij britanik David Lammy, Araghchi paralajmëroi për pasojat e mbështetjes “të pajustifikuar dhe provokuese” të shteteve evropiane për Izraelin mbi paqen dhe sigurinë rajonale dhe ndërkombëtare. “Irani nuk do të pranojë thirrje për përmbajtje kundër agresionit izraelit”, theksoi ai. Sipas agjencisë iraniane të lajmeve ISNA, në bisedimet me Ministrin e Jashtëm francez Noel Barrot, Araghchi tha se “mbështetja e disa vendeve evropiane për rezolutën e fundit kundër programit bërthamor të Iranit i ka dhënë një pretekst Izraelit për të sulmuar centralet bërthamore iraniane”.
E rëndë në SHBA! Atentat ndaj dy ligjvënësve demokratë në Minnesota. Vritet përfaqësuesja Melissa Hortman dhe bashkëshorti i saj, plagoset rëndë senatori
Gjykata urdhëron burgjet: Merrni masa për të siguruar jetën e Dashnor Dumanit!
“Mbështesim sovranitetin e Teheranit”/ Kina dënon sulmin e Izraelit ndaj Iranit: Brutal dhe i rrezikshëm
“Teherani do të digjet”, paralajmërimi i Izraelit pas sulmeve me raketa! Irani kërcënon bazat rajonale të Mbretërisë së Bashkuar, SHBA-së dhe Francës
Analiza e The Guardian/ A e dha Donald Trump dritën jeshile për të sulmuar Iranin?
Konflikti Iran–Izrael dhe rikthimi i doktrinës Trump
Vriten edhe tre shkencëtarë bërthamorë iranianë, bilanci rritet në 9, Izraeli: Të ndalojmë ambiciet bërthamore të Iranit
