Përgjimet bombë, ‘Messi një mi halesh’

‘Bombë’ nga Spanja. E përditshmja “Sport”, një organ pranë Barcelonës ka publikuar një sërë përgjimesh, ku drejtuesit e Barcelonës etiketonin me frazat më të rënda Lionel Messin. Gjithçka lidhet me janarin e 2021, kur Messi kishte vendosur mos rinovonte me klubin pas thuajse 17 vitesh me katalanasit.

Më aktivi në fyerje duket se ishte Tomas Gomez Ponti, në atë kohë drejtor i shërbimeve ligjore të klubit. Ishte janari i vitit 2021 dhe epoka Bartomeu ishte mbyllur prej pak muajsh. “Bravo me të vërtetë, nuk mund të jesh xhentil me këtë mi halesh”, i drejtohet Ponti ish-presidentit. “Klubi i dha gjithcka dhe ai ndërtoi një diktaturë blerjesh, transferimesh, rinovimesh, sponsorësh… vetëm për të. Shifrave të kontratës së tij duhet t’i shtohen edhe Pinto, rinovimi i Suarez dhe ai i Jordi Alba, komisioni i rinovimit për Fati…”.

Dhe më e keqja vjen më pas, ku Tomas Ponti përdor një gjuhë aspak normale ndaj Lionel Messit.

“Dhe mbi të gjitha dhe akumulimi i gjithë atyre kërcënimeve dhe mungese edukate të cilën klubi dhe ne që punojmë kemi pësuar nga ky xhuxh hormonal, i cili i ka borxh jetën Barcelonës”, thotë drejtori i shërbimeve ligjore të klubit.

Më pas “Sport” rendit edhe disa nga bisedat e ish-presidentit Bartomeu me drejtuesit e asaj kohe, në të cilat vihet në dukje edhe kërkesa e Messit në kohën e pandemisë për pagat. Në këto kushte nuk mungojnë frazat ofenduese për argjentinasin.

“Nën udhëheqjen tënde, klubi duhet të përballet me reduktimin drastik të buxhetit të pagave në skuadrën e parë, akoma dhe më shumë pas sjelljes së shpifur të një stafi të përkëdhelurish dhe milionerësh të pandjeshëm, të cilët refuzuan të bashkëvendosnin me klubin masat minimale për të garantuar stabilitetin tonë ekomonik, pavarësisht nga vuajtjet e njerëzve”, thuhet në mesazhin e ish-presidentit dhe kjo drejtuar Messit dhe Suarez veçanërisht.

Ish-drejtuesi Ponti nuk kursehet kur bëhet fjala për reduktimet e pagave, duke etiketuar lojtarët (mes të cilëve edhe Pique) si bij kurv*sh. “Sa pak skrupuj duhet të kesh që të jesh një bir ku**e  i tillë”, janë disa nga mesazhet që prekin Messin me shokë.