Porti i Durrësit/ Berisha: BE të nisë hetimet

Kreu i PD, Sali berisha ka dalë në një deklaratë nga selia blu, nga ku ka denoncuar aferën e portit të Durrësit.

Sipas tij, kjo aferë është më e madhja në Europë, ndërsa shtoi se ka pasoja të rënda strategjike për vendin.

“Edi Rama pa asnjë konsultë paraprake me qytetarët e Durrësit, grupe interesi dhe asnjë tjetër veç xhepit dhe llogarive të tij, de facto po shndërron portin e Durrësit në Dubain e familjes së tij.

Afera e portit të Durrësi deri sot është afera korruptive me gjigante ne Europë. Informoj qytetarët shqiptarë se nga ky vendim korruptiv antiligjor i Edi Ramës, Rama dhe kompania e tij përvetësoi mbi 1 milionë metër katror truall për ndërtime, baraz me rreth 3 miliardë euro.

Në këtë aferë me pasoja të rënda strategjike për vendin, me pasoja të rënda që synojnë defaktorizimin e Shqipërisë dhe të rolit të saj strategjik në transportit në BE, Rama parashikon me makinerinë e mashtrimit të tij investim në rreth 2mld euro në atë që quhet marinë turistike. Njeriu që ka marrë përsipër të bëjë këtë investim, ka patur një zotim për investim 4 mld euro buzë Savës në Beograd dhe ka përfunduar në një investim prej 20 mln euros. Atje prapa tij qëndron Vuçiç, këtu prapa tij qëndron vasali i tij Rama.

Dëmi është i pallogaritshëm, sepse me këtë lëvizje taksapaguesit shqiptarë gjobiten me së paku me 1 mld euro që sipas Ramës do përdoren për ndërtimin e portit të ri.

Ky ndërtim kërkon një dekadë për tu ndërtuar, po të kemi parasysh spostimin e portit të Vlorës, kostoja e transportit të mallrave nga Tivari rritet.

Denoncoj publikisht këtë aferë korruptive të përmasave të papara. I kërkoj Edi ramës të heqë dorë menjëherë nga përpjekjet për ndërtiminn e Dubait të tij.

E garantoj që ajo nuk mund të ndodhë dhe i kërkoj Aalbbarit të heqë dorë e të mos përdoret nga kryeministri më i korruptuar i të gjitha kohërave të Shqipërisë”, tha Berisha.

LAJMI NE PERDITESIM

Deklarata e plotë e kreut të PD-së, Sali Berisha

Në shekuj dhe mijëvjeçare Porti i Durrësit i ka dhënë Shqipërisë, rolin më të rëndësishëm dhe strategjik në rajon, përcaktohet nga Komisioni i Transportit të BE, së bashku me Portin e Tivarit, si njërin nga dy portet të rëndësisë strategjike për BE-në, çka do të thotë për rajonin dhe transportin në kuadrin e kësaj hapësire.
Edi Rama, pa asnjë konsultë paraprake, me qytetarët e Durrësit, me grupe interesi dhe asnjeri tjetër përveç xhepit dhe llogarive të tij. Defakto po e shndërron portin e Durrësit në Dubain e familjes së tij.
Afera e Portit të Durrësit gjer sot është afera korruptive më gjigante në Europë.
Informoj qytetarët shqiptarë se nga ky vendim korruptiv, antiligjor i Edi Ramës, Rama dhe kompania e tij përvetësojnë mbi 1 milionë metër katror truall për ndërtime, baras kjo me rreth 3 miliardë euro.
Në këtë aferë, me pasoja të rënda strategjike për vendin, me pasoja të rënda që synojnë defaktorozimin e Shqipërisë dhe rolit të saj strategjik në transportin e BE dhe NATO, Edi Rama parashikon me makinerinë e mashtrimit të tij, investime prej 2 miliardë eurosh në marinën turistike.
Njeriu që ka marrë përsipër këtë investim, parashikonte një investim prej 4 miliardë eurosh në Serbi, dhe përfundoi me një investim prej 20 milionë eurosh.
Atje prapa tij qëndron Aleksandër Vuçiç, këtu qëndron Edi Rama.
Dëmi është i pallogaritshëm, sepse me këtë lëvizje, taksapaguesit shqiptarë gjobiten me një së paku 1 miliard euro, që sipër Edi Ramës do përdoren për ndërtimin e Portit të ri në Porto Romano.
Po të kemi parasysh që ky ndërtim kërkon të paktën 1 dekadë për tu kompletuar, po të kemi parasysh postimin e portit të Vlorës, kostoja e transportit të mallrave për në Shqipëri, nga Tivari i Malit të Zi, rritet në mënyrë të ndjeshme. Pra një gjobë e re për taksapaguesit shqiptarë.
Me këtë rast denoncoj edhe njëherë publikisht këtë aferë korruptive të përmasave të papara.
I kërkoj Edi Ramës që të heqë dorë nga përpjekjet për ndërtimin e Dubait të familjes së tij në Durrës. E garantoj që ajo nuk do mund të ndodhë dhe i kërkoj Al Alabarit të heqë dorë dhe të mos përdoret nga kryeministri më i korruptuar në të gjithë kohërat në Shqipëri. I bëj thirrje BE-së për të ndaluar këtë aferë korruptive dhe të nisë një hetim rreth aferës korruptive të portit të Durrësit dhe të bëjë gjithçka që ky port të mbetet, port strategjik kryesor i Shqipërisë, i rajonit dhe BE-së në rajon.