Bota
Presidenti francez Emmanuel Macron pozitiv me COVID-19! Izolohet edhe Kryeministri Castex
Presidenti francez Emmanuel Macron, ka rezultuar pozitiv me COVID-19.
42-vjeçari bëri një test për Covid-19 pasi atij iu shfaqën disa simptoma thuhet në një deklaratë nga Pallati Elysee.
“Presidenti i Republikës është diagnostikuar sot pozitiv për COVID-19. Kjo diagnozë u bë pas një testi PCR të kryer pas shfaqjes së simptomave të para”, thuhet në deklaratë.
Macron, në përputhje me rregullat e sigurisë do të izolohet për 7 ditë dhe do ta drejtojë vendin nga karantina, tha një zyrtar.
Presidenti francez është një nga disa krerët e shteteve dhe qeverive në të gjithë botën që janë infektuar me Covid-19, përfshirë Kryeministrin Britanik Boris Johnson dhe Presidentin e SHBA Donald Trump.
Franca këtë javë vendosi një shtetrrethim brenda natës për të ndihmuar në vënien nën kontroll të rasteve atje.
Ka pasur dy milion raste të konfirmuara në vend që nga fillimi i epidemisë, me më shumë se 59,400 vdekje, sipas të dhënave nga Universiteti Johns Hopkins.
Pati kontakt me Macronin, vetëizolohet kryeministri francez Jean Castex
Sipas planifikimeve, kryeministri duhet të prezantonte politikën e vaksinimit anti-COVID ditën e enjte por si rezultat i izolimit, çdo detyrim dhe takim i tij do të anulohet përkohësisht.
Ai ditën e sotme duhet të prezantonte politikën e vaksinimit COVID të qeverisë në Senat por për shkak të izolimit këtë detyrë do ta marri përsipër ministri i shëndetësisë Olivier Véran.
Gërvalla e zhgënjyer me fjalimin e Ramës në OKB: Nuk tha se…
Makina përfundon në humnerë, humb jetën 40-vjeçari (EMRI)
Oltion Bistri kërkon pasuritë e sekuestruara nga SPAK, rekurs në Gjykatën e Lartë
Abuzoi me 11-vjeçaren që e kishte të afërme, arrestohet në Rinas pedofili
Burgosja e Salianjit/ Baçi: Duhet ngujimi i deputetëve në Kuvend
U përfshi në dhu’nimin e tij, Stresi kërcënon tiktok-erin Medi Iseni
Safet Gjici kërkesë Gjykatës së Elbasanit për t’u liruar, zbulohet arsyeja
