Presidenti i UEFA-s kundër përjashtimit të Izraelit nga garat e futbollit: Edhe për Rusinë pati presion të madh politik

Presidenti i UEFA-s, Aleksander Ceferin, ka folur në lidhje me përjashtimin e mundshëm të Izraelit nga garat e futbollit pas apelit të shoqatës së trajnerëve drejtuar Federatës Italiane të Futbollit (FIGC).

“Nuk mund ta kuptoj se si një politikan që mund të bëjë kaq shumë për të ndaluar masakrën, kudo, mund të bjerë në gjumë duke parë të gjithë ata fëmijë dhe civilë të vdekur. Nuk e kuptoj. A ekziston ndonjë ide se futbolli duhet t’i zgjidhë këto probleme? Absolutisht jo”, tha ai në një intervistë.

Izraeli nuk do të përjashtohet nga garat ndërkombëtare të futbollit. Presidenti i UEFA-s, Ceferin, e konfirmoi këtë, duke hedhur poshtë kështu apelin e bërë dy javë më parë. “Ne ishim ndër të parët që vepruam, duke besuar vërtet se sporti mund të ndihmonte në përfundimin e kësaj tragjedie. Fatkeqësisht, jeta na ka treguar të kundërtën. Tani nuk shoh shumë reagim nga politikanët. Nga shoqëria civile, është shumë i madh “, tha ai.

“Tani ka më shumë presion nga shoqëria civile sesa nga politikanët, sepse politikanët janë padyshim shumë pragmatikë kur bëhet fjalë për luftërat dhe viktimat. Nuk mund të them se çfarë do të ndodhë. Ata flasin për gjithçka, por personalisht jam kundër përjashtimit të atletëve.”

Ceferin pranon për Rusinë: “Pati presion politik”

Megjithatë, fjalët e Ceferinit zbulojnë qartë “standardet e dyfishta”. “Për mua, sporti duhet të përpiqet të udhëheqë, jo duke i ndaluar atletët të garojnë. Por për të qenë i sinqertë, edhe një herë, me luftën Rusi-Ukrainë, patëm një reagim politik pothuajse histerik.”

Duke mbështetur planin e ekipeve U17 për Rusinë, Ceferin argumentoi se fëmijët duhet të trajtohen ndryshe nga të rriturit. “Unë ende mendoj se fëmijët duhet të trajtohen ndryshe sepse, e dini, ata rriten me frikë dhe urrejtje. Ata do të kuptonin se ne nuk jemi armiqtë e tyre, se kombet nuk janë armiq të njëri-tjetrit. Por politikanëve nuk u intereson”, tha ai, duke shtuar se as fëmijët nuk votojnë.