SKANDALI – OBSH nën akuzë për komplotin me Italinë për të fshirë raportin e Covid-19

ITALI- Organizata Botërore e Shëndetësisë (OBSH) është akuzuar për komplot me ministrinë italiane të shëndetësisë për të hequr një raport që zbulonte keqmenaxhimin e situatës në fillim të pandemisë së koronavirusit – botimi i së cilës kishte për qëllim parandalimin e vdekjeve në të ardhmen.

Italia ishte vendi i parë evropian që u përfshi nga pandemia. Raporti, i prodhuar nga shkencëtari i OBSH-së Francesco Zambon dhe 10 kolegë të tij në të gjithë Evropën , u financua nga qeveria e Kuvajtit me synimin për të siguruar informacion për vendet që ende nuk janë goditur.

Përgjigja e parë e Italisë ndaj Covid-19, ishte një sfidë e paprecedent e cila u dokumentua dhe u botua në faqen e internetit të OBSH-së më 13 maj përpara se të hiqej të nesërmen, siç u raportua për herë të pare nga The Guardian në Gusht. Raporti me 102 faqe tha se plani pandemik i Italisë nuk ishte azhornuar që nga viti 2006 dhe se, për shkak të befasisë, përgjigja fillestare nga spitalet ishte “e improvizuar, kaotike dhe krijuese”. U desh kohë që udhëzimi zyrtar të bëhej i disponueshëm, shtoi raporti.

Dokumenti dyshohet se u hoq me kërkesë të Ranieri Guerra, ndihmësi i drejtorit të përgjithshëm të OBSH-së për iniciativat strategjike. Guerra ishte drejtori i përgjithshëm për shëndetin parandalues ​​në ministrinë italiane të shëndetësisë midis 2014 dhe fundi i 2017, dhe për këtë arsye ishte përgjegjës për azhornimin e planit pandemik sipas udhëzimeve të reja të paraqitura nga OBSH dhe Qendra Evropiane për Parandalimin dhe Kontrollin e Sëmundjeve (ECDC).

Hetuesit po përdorin gjithashtu një raport të përpiluar pas valës së parë nga një gjeneral në pension i ushtrisë, Pier Paolo Lunelli, i cili arriti në përfundimin se deri në 10,000 vdekje mund t’i jenë atribuar mungesës së protokolleve të mjaftueshme anti-pandemike.

Zambon, i cili është i vendosur në zyrën e OBSH-së në Venecia, është thirrur tre herë për të folur me prokurorët, por është parandaluar ta bëjë këtë nga OBSH, i cili ka insistuar që ai dhe 10 studiuesit e tjerë të përfshirë në prodhimin e raportit duhet të kenë imunitet për të dëshmuar. Pas lëshimit të thirrjes së parë në Zambon dhe studiuesve të tjerë, OBSH tha që prokurorët rajonalë kishin nevojë të ndiqnin kanalet diplomatike duke bërë kërkesën e tyre përmes ministrisë së jashtme të Italisë.

“Kur mora thirrjen e parë e raportova atë në zyrën ligjore të OBSH-së dhe menjëherë pasi ata u përgjigjën duke thënë se nuk mund të shkoja pasi isha i mbrojtur nga imuniteti, pavarësisht nga fakti se doja të shkoja pasi kisha diçka për të thënë”, Zambon i tha Guardian.

Zambon pretendon se Guerra e kërcënoi atë me pushim nga puna nëse nuk modifikon pjesën e tekstit që i referohet planit të vjetëruar. Ai tha se pavarësisht informimit të zyrtarëve të lartë të OBSH-së për kërcënimet dhe rreziqet që paraqesin transparencën dhe neutralitetin e organizatës, asnjë hetim i brendshëm nuk ishte kryer. Në atë kohë, OBSH nuk shpjegoi pse raporti u hoq, por tha në një deklaratë javën e kaluar se “përmbante pasaktësi dhe mospërputhje”.

OBSH tha në një deklaratë me email për Guardian të Enjten: “Ne jemi duke punuar me qeverinë Italiane për të sqaruar çështjen.” Duke iu referuar dokumentit të hequr, deklarata shtoi: “Ndërsa ishte jashtë linje, u mor një vendim për të përdorur një mekanizëm të ri të krijuar në muajt e parë të pandemisë që synon të ndihmojë vendet anëtare të kryejnë rishikime brenda veprimit dhe të vlerësojnë Covid-19.